ខគម្ពីរពេញនិយមពី Genesis 17

ចែក​រំលែក

Ne olwa Aburamu yali owemiyika amakhumi shienda nende shienda, OMWAMI yaloleshela Aburamu namusunjila mbu Isie nisie Nyasaye Ounyala-biosi; wichendelesie imbeli wanje, noba habwene.

Kata eliiralio shililalangungwa mbu Aburamu khandi tawe, ne eliiralio lilaba Aburahamu; shichila ekhukholile okhuba omwibuli wamahanga amanji.

Khandi ndalaraho indakano yanje hakari wanje ninawe nende olwibulolwo inyumawo, khandi khunzibulo tsiabwe tsiosi, mbu yibe indakano eyiralihwaho ta, mbu embe Nyasayewo nende owolwibulolwo inyumawo.

Lola, khulwanje, indakano yanje oli ninayo, ne oliba omwibuli wamahanga amanji.

Nyasaye nasunga ari Tawe, habula Sara omukhasiwo aliibula omwana omusiani; nawe olimukulikha eliira mbu Isaka; nasi ndilitinyisia indakano yanje ninaye, yibe indakano eyiralihwaho ta mulwibulolwe inyumawe.

Ndilikhuheelesia iwe nende olwibulolwo inyumawo eshialo shino eshia omenyangamwo shinga omucheni, nishio eshialo shiosi shiaKanaani, shibe eshishio inziayo; nasi ndiliba Nyasaye wabwe.

Kho Aburahamu niyeenama, natsekha, naboola mumwoyokwe ari Mana aliibula omwana, omundu ouli owemiyika eshikhumi? Kata Sara naye, olwa ali owemiyika amakhumi shienda, mana aliibula?

Nyasaye namusunjila Aburahamu mbu Ne Sarai omukhasiwo, shiolamulanganga eliiralie mbu Sarai tawe, ne eliiralie alakulikhwa mbu Sara.

Mulashebungwa likhoba lielifunga lieenywe, ne nishio eshiliba eshilolelo shieindakano hakari wanje nineenywe.

Nebutswa indakano yanje ndilichitinyisia nende Isaka, owa Sara aliibula khunduukho shinga yino mumuyika okwitsa.

Oumalile tsindaalo munaane mwinywe alashebwe, buli mwana omusiani munzibulo tsieenywe tsiosi, oyo kata owibuulwe mwitaalalio, kata omukula owakulwa amapeesa nende omurende yesi, ourali owomulwibulolwo ta. Oyo owibuulwe mwitaala, kata oyo owakulwa obukusi bwamapeesako, okhuula olwa ashebwa; ne indakano yanje yilabeetsanga khunyama yemibili chieenywe, kho yibe indakano yeinziayo.