ខគម្ពីរពេញនិយមពី Piiluu 17

ចែក​រំលែក

A Aboram naŋ da wa nyɛ yuomo lezaanaare ne pie ane awae, a DAANA da wa la o zie, a wa yeli ko o, “Maa la a Kpeɛ̃õ Zaa DAANA Naaŋmen; kyɛnɛ N niŋesogɔ, a ta taa saanaa zaa.

Ba daŋ koŋ la boɔle fo yuori ka Aboram, kyɛ fo yuori na di la Aboraham, bonso, N eɛɛ la ka fo waa nemboor-yaga sããkoma.

N na biŋ la a N nɔ-eŋnaa, Maa ne fo zie ane a fo boorɔ a fo kũũ puoriŋ. O na waa la nɔ-eŋnaa naŋ ba taa baaraa, ka N waa fõõ ane a fo boorɔ Naaŋmen.

“Maa eŋ zie, a noɔre N naŋ eŋ ne fo la ŋa: Fo na e la nemboor-yaga sããkoma.

Naaŋmen da yelee la, “Ai, a fo pɔge Saara na dɔge la bidɔɔ ko fo, ka fo pore o yuori Aizik. N na biŋ la a N nɔ-eŋnaa ne o, ka o e nɔ-eŋnaa naŋ na bebe tegitegilɛ ko a o biiri naŋ na tu o puori.

N na ko la fõõ ane a fo boorɔ naŋ na tu fo puori wa, a teŋɛ na yɛ naŋ waa nɔɔre o poɔ pampana, a Keeina teŋɛ zaa, ka o waa yɛ soobo tegitegilɛ; kyɛ ka N waa ba Naaŋmen.”

A Aboraham da le vɔgle la teŋɛ kyɛ la, a yeli o poɔŋ, “Dɔɔ naŋ nyɛ yuomo kɔɔ na toɔ̃ dɔge la bie? Saara naŋ nyɛ yuomo lezaanaare ne pie na toɔ̃ dɔge la bie?”

Naaŋmen da yeli ko la a Aboraham, “A fo pɔge Saarae eŋ, ta la boɔle o Saarae, kyɛ o yuori na la Saara.

Yɛ na maŋ iri la a dɔbɔ dɛgre ka a e yelwulaa kyaare ne a nɔ-eŋnaa naŋ be a maa ne yɛ sogɔŋ.

Kyɛ a Aizik la ka N na biŋ a N nɔ-eŋnaa tere. Ona la ka Saara na dɔge ko fo, a ŋaa saŋ, a yuoni naŋ waana poɔ.”

A yi ŋaa gɛrɛ, ba na maŋ iri la yɛ bidɔɔlee zaa ba naŋ dɔge dɛgre a o dɔgebo beri anii daare, a de ne gbaŋgbaare ba naŋ dɔge yɛ yiri poɔ ane gbaŋgbaare yɛ naŋ da ne yɛ libie yi ten-yuo neɛ naŋ ba e yɛ boorɔ neɛ zie. A gbaŋgbaa ba naŋ dɔge fo yiri poɔ ane a gbaŋgbaa fo naŋ da ne fo libie, a ferɛɛ la ka ba iri ba zaa dɛgre. Lɛ la ka a N nɔ-eŋnaa na be a yɛ eŋgane eŋɛ tegitegilɛ.