ខគម្ពីរពេញនិយមពី Málúkus 12

ចែក​រំលែក

Yésuse woondinyi ɛ́ɛ́: «Kikotí kiikɔ́n kínyɛɛ́ ɛ́ɛ́: Isilayɛ́l, támb itu, Támbákɛ́ɛ waasɔ́, wééŋényí unyɛɛ́ Ɔkɔ́n; ɔyɔ́ Ɔkɔ́n Támbákɛ́ɛ waawɔ nɔ ɔtɛ́m wááwɔ wuum, na pumuundɛ púáwɔ puum, ni imbítáákitɛ́n yaawɔ kitikit ni imbekí yaawɔ yiim. Kikotí kíɔ́ŋɔnɛ́ ekie: Ɔyɔ́ sɔ́k mɔɔndɛ ɛlɛɛ́ aŋɔ́ muɛ́t. Kikotí kílotí tipá, kítápukanɛ́ pikotí pikáánɛ́.»

Yésuse waapílikɛn popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Yɔɔ́núɔ́yɔn kémuémue ɛ́ɛ́ ɔsúkɔsukɔ u kisík kí akáandɔ́ kikáánɛ́ máák kutápɔk pɛɛnd peem pámányaákan ó nukólópóŋ. Á kiákí ɛ́ɛ́ ɔsúkɔsukɔ u kisík kí akáandɔ́ mɔ́kɔ́l pipíɔ́kɛ́n píɛ́yɛ́ piim ɛ́ wɛ́ɛ́yɛ́ ɔsɔk, umáák pɛ́ɛ ó nukólópóŋ; pɔsɔ́k pólotí mɔ́tɔ́púnɔ́ kutɔ́punɔ é púúpu pápianɛ́.»

Yésuse wɔɔnyɔnyɔ́mbɛ́t ó pusíó pú nukólópóŋ nú nupoo, kɔ́ ɔɔ́nd ú kitamb kí Támbák. Uyooson aná pɛɛnd áákanɛ́ pikɔ́ŋ ó nukólópóŋ. Inɛ́m puólíkóoli áákan pikɔ́ŋ kutek. Ɔsúkɔsukɔ u kisík kí akáandɔ́ kíányatɔ́k, kíásiák paán pá pikɔ́ŋ páandɛ́, kitáám kí pikɔ́ŋ kimɛɛ́nukɛn á kápɛ omoómí.

Kuɔyɔ wɔ́ nɔ ɔtɛ́m wááwɔ wuum, ni imbítákítɛ́n yaawɔ kitikit, ni imbekí yaawɔ yiim, nɔ kuɔyɔ sɔ́k mɔɔndɛ ɛlɛɛ́ aŋɔ́ muɛ́t áátápukan kifunɔ́ kí pulúk epúlulesíé ó pusíó pú Támbák na kifunɔ́ kiim ɛnyɛɛ́ kupífuna Támbákɛ́ɛ.»

Wɔ́ kɔ́ɔ́p ɛ́ɛ́: «Ónuondínyí Sesalɛ epú púɔ́pinɔnɛ́ Sesalɛ, Támbákɛ́ɛ epú púɔ́pinɔnɛ́ Támbákɛ́ɛ.» Péésímile iŋondínyínyí i Yésus ikáánɛ́.