ខគម្ពីរពេញនិយមពី Lúúkas 4

ចែក​រំលែក

Kiliínditié kí Ɔkɔ́n Támbák nyɛ káámɛ á kiákí ɛ́ɛ́ wuúyɔ́ɔ́n, ó kuól kúɔ́yɔ́n pɔsúkɔsukɔ Insɔ́m yí indámb. Wuúndɔ́m ɔ́ kuɔyɔn epé pɛ́nyɛɛ́ á piansɛ pí imbíne kiáŋuna kíɔ́p máásiám pepútepute, pɔ́ɔ, ɛ́ɛ́ pákaand kuɛ́ninɛn, wuúndɔ́m ɛ́ɛ́ epé péénesíé pɔ́ɔ iŋɛ́n, yɔ́ɔ́k pɔ́ɔ, ɛ́ kuɛl ɛ́ pɛɛnd ɛ́ɛ́ kisikɛl máásíám Ɔkɔ́n keényítíínyi pɔ́ɔ aná unyɛɛ́ ɔtɛ́m peseé.

Yésuse woondinyi wɔ́ ɛ́ɛ́: «Mekélíe ma Támbák ɔ́ɔ́kɔɔyɔ ɛ́ɛ́: kúmési Ɔkɔ́n, Támbákɛ́ɛ waawɔ, wééŋényí ekeényíluke wɔ́.»

Yésuse woondinyi wɔ́ ɛ́ɛ́: «Mekélíe má Támbák ɔ́ɔ́kɔɔyɔ ɛ́ɛ́: Mɔɔnd tipá usɔ́tɔn yá na múkunya.»

Yésuse waatɔk é Sulutɛ́ŋ, pukaaka pú Emfúnukufúúmɛ kɛ́ɛ́yɛ́ kɔ́ ɔtɛ́m táásɛ lééŋ. Emfúnukufúúmɛ wanúŋun wɔ waayɔɔk nɛɛyɛ́ ɔ́ kiɔ́sɔ́kɔlíɔ.

Yésuse woondinyi wɔ́ ɛ́ɛ́: «Mekélíe ma Támbák ɔ́ɔ́kɔɔyɔ ɛ́ɛ́: Ɔtíɔ́kɔɔ́pítɛ́n Ɔkɔ́n, Támbákɛ́ɛ waawɔ.»

Úmáaman kupíɔ́pitɔn Yésuse piáyí piim tɛ ɛ́ɛ́ wáámininɛ, Okóyikoyi waapíátɔn Yésuse; waayɔɔk é kuepétényí kisikɛl kílotí.

Okóyikoyi waayɔɔk nɛɛyɛ́ kɔɔ́mɔ kámaápá manyáŋ kányaŋ; ɔ́ mɔnɔ́ kisikɛl, weetíínyi wɔ́ pitɔŋ pí kúúsí kitikit. Wɔ́ kɛ́ɛyɛ́ ɛ́ɛ́: «Ɛmɛɛ́n pukaaka na punɛ́m pú pitɔŋ pikáánɛ́ kitikit á? Yeékuekenyi pí piim índɛ esinsukin tunúú;» á kiákí ɛ́ɛ́ iŋúɛ pámíndál maandá makáánɛ́ kitikit kí imbɔk. Inyɛ pékueki mɔ́ á mɔɔnd kitikit yɔɔyɔɔnɛ́ɛ. Yésuse woondinyi wɔ́ ɛ́ɛ́: «Mekélíe ma Támbák ɔ́ɔ́kɔɔyɔ ɛ́ɛ́: kúmési Ɔkɔ́n, Támbákɛ́ɛ waawɔ, wééŋényí ekeényíluke wɔ́.»

Okóyikoyi wɔɔkɔ́l wɔ́ andíkɛ́k waayɔɔk nɛɛyɛ́ Yelúsalɛm; waamákat nɛɛyɛ́ kɔ́ ɔtíndíɔ ú insɛkɛ i kitamb kí Támbák, wɔ́ é Yésus ɛ́ɛ́: «Indɛ kémuémue anyi Muɔ́nɔ́ u Támbák, kilín; á kiákí ɛ́ɛ́ Mekélíe má Támbák ɔ́ɔ́kɔɔyɔ ɛ́ɛ́: Támbák kɛɛl é Peéŋele pɛ́nyɛɛ́ ɛ́ɛ́ pákukííka, Mekelíe áand kuɔyɔ ɛ́ɛ́: Peéŋele kɛkupínɛ́ɛ́kɛn ɛ́ɛ́ kikɔ́nd kíáwɔ tifɔndɔlɛt á nitányí.» Yésuse woondinyi wɔ́ ɛ́ɛ́: «Mekélíe ma Támbák ɔ́ɔ́kɔɔyɔ ɛ́ɛ́: Ɔtíɔ́kɔɔ́pítɛ́n Ɔkɔ́n, Támbákɛ́ɛ waawɔ.»