ខគម្ពីរពេញនិយមពី Isáaŋ 6

ចែក​រំលែក

Yésuse kɔ́ɔ́p ɛ́ɛ́: «Niŋúɛ inyɛɛ́ kilɛ́ɛt kí kusɔ́t; ewú úmónyoól kuamɛ tiányipaŋɛ́t insaná; ewú upíóndonyé ɔtɛ́m naamɛ tiányinúmát niíta tɛ puɔ́s.

Emfúnukufúúmɛ wéekenyé kusɔ́t. Nuɔ́l nyɛ náánáanɛ. Mekélíe ímányinukálan óókoólinon ké Emfúnukufúúmɛ, mɔ́ méekenyé kusɔ́t.

Nutikɔtɔ́ ó kupíóyosi na múkunyá múkɔɔ́nyípílɔk nakinyám. Maná ɔ́nukɔtɔ́ ó pusíó pú múkunyá mútiányípá múpílɔkɔ múekenyé kusɔ́t kú teeníík; múu Muɔ́nɔ́ u mɔɔnd kaányínufá; á kiákí ɛ́ɛ́ wɔ́, Muɔ́nɔ́ u mɔɔnd, Taatɛ́ɛ unyɛɛ́ Támbákɛ́ɛ, maáyɔ́ɔ́n.»

Ɛ́ɛ́ɛ, kuɔyɛt kú Taatá kúnyɛ ɛ́ɛ́: ewú ne ewú úmɛ́nyɛɛ́n Muɔ́nɔ́ woond upíóndi ɔtɛ́m nɛɛyɛ́ pia kusɔ́t kú teeníík, niŋúɛ yeényéenyi wɔ́ á pilɔ́ŋ puɔ́s púkusúkin.»

Yésuse woondinyi pɔ́ ɛ́ɛ́: «Epú Támbák ɔ́ɔ́yɔɔnɛ́ɛ nyɛ ɛ́ɛ́ núpíóndonyi ɔtɛ́m ne ewú umaátɔ́m.»

Pɛɛnd peem epé Taatá ímfáanɛ́ɛ, koól kuamɛ, indiákúŋɛ́t ewú woóloné kuamɛ.

Símun Píɛ́lɛ kɛ́ɛ́yɛ́ ɛ́ɛ́: «Ɔkɔ́n, túákɔɔ́n ɛ́nyɛ é? Aŋúɛ ɛnyɛɛ́ ne mekélíe mɔ́ kusɔ́t kú teeníík.

«Niŋúɛ inyɛɛ́ kilɛ́ɛt kíekenyé kusɔ́t, kímoólín mɛnɛ́mɛnɛ́ɛ. Ewú waánínyáanɛ́ kilɛ́ɛt kikáánɛ́ ɔ́ɔ́nyísɔ́tɔn é teeníík ne níík. Kilɛ́ɛt yeényéékenyé nyɛ nuɔ́l núámɛ, ɛ́ɛ́ núékényí pɛɛnd kusɔ́t.»

Mɔɔnd na mɔɔnd tipá ukuól kuamɛ kati ɛ́ɛ́ Taatɛ́ɛ umiíndɔ́m mɔ́píkɔ́ɔ́kítɛ́n wɔ́, niŋúɛ yoónyóond yeenyi wɔ́ á pilɔ́ŋ puɔ́s púkusúkin.

Á kiákí ɛ́ɛ́ púkunyá pú Támbák nyɛ epú púólinoné mɛnɛ́mɛnɛ́ɛ púond púékenyi pɛɛnd kusɔ́t.»

Inyɛ kilɛ́ɛt kí kusɔ́t.

Yésuse wɔɔkɔ́l pilɛ́ɛt, weelémbi Támbákɛ́ɛ maná woond á kuapan pɔ́. Wɛɛl pilɔŋ pímoómí nɔ muɔpɔ́, weekeekenyi pɔ́ kitáám kitikit ɔtɛ́m mɔɔ́lɔ́ŋɔ. Aká pómoóy, Yésus kanyi ó popíónyí ɛ́ɛ́: «Ánukúsá piénsi píményisíén ɛ́ɛ́ puandá tinyím.»

Popíónyí mɛɛlɛ́ pákanyi papínyáŋítán puandá asi pokílomítɛ pátíndatɔ́, pɛ́ɛ́n Yésuse wɛɛndɛ ó moomb, upísíítenin kitóóŋ. Puwaá puɛ́tikɛn pɔ́. Yésuse kɔ́ɔ́p ɛ́ɛ́: «Nutitíín, niŋúɛ wɔ́.»