ខគម្ពីរពេញនិយមពី Roma 14

ចែក​រំលែក

Ŋkyé ŋgâ, Nofɔŋ Mboʼmvé pɛ́ɛ́ no mwɔ̌zó pwɛ no nɔ́ne pó. A pɛɛ mbéne ŋgerɛ́ŋged siŋ Mboʼmvé, a pɛɛ mbúru, mbó mbé ndebéne yɛ́ Zhʉye Yáŋme fɛ nɛ́. Ŋɔŋ wɛ́ a tsé faʼa pwó Kristo néré nɛ́, a mbǔ Mboʼmvé, pumésɔŋ náá wé ŋgoʼóʼ.

Ŋkyé ŋgâ a pɛ́ɛ́ yɛ́ piŋi tse ntsó mvé nɛ́, mbǒ piŋi ntsó ŋkyé Ntsɛɛpɔŋ. Kii Mbéyɛ́ piŋi pfó pfó nɛ́, mbǒ piŋi pfó ŋkyé Ntsɛɛpɔŋ. Néré kɛ́ʼɛ́, kii piŋi tsóó mvé kii piŋi pfó pfɔ́, mbǒ piŋi ke mbɛɛ pwó Ntsɛɛpɔŋ.

Néré, piŋi taʼa no yɛ́ a fɛ́ mbúru nɛ́, mbó ŋgyɛ́ ŋgâ psyɛ́ndzɔʼ ŋkɔŋɔ pɔŋ náá ke mvii ŋgǔ ne ssó nɛ́.

Piŋi tsébé nɛ́ ne fiʼne mbəb yiŋi piŋi ne piŋi. Piŋi ndɛ mbó nɛ́ mbɛɛ pɔŋ pɛ́, piŋi zhyɛ́ ŋgâ pɔŋ shaŋa nɛ́, kii pó mbé ywɔ́kpeʼe ne pɔ́b.

Ŋkyé ŋgâ, a ŋweʼéme ŋgâ: «Mbziʼe njʉ́ a sísíŋ ŋgâ mo, Ntsɛɛpɔŋ, mə mɔ́b nɛ́, ŋkɔŋɔ pumésɔŋ náá ŋkʉ́yó ferɛ tókuʼé mɔ́b siŋ mo, ŋkɔŋɔ pɔŋ náá ghuʼu ghɛ́ɛ́ Mboʼmvé.» Néré kɛ́ʼɛ́ mbɛ wɔ́ ghɛ̂ náʼá ntsɛ́ siŋ Mboʼmvé, ntsɔ ŋkyé tó mbəb yé.

Puŋ ghəhɛ́ ŋɔŋ wɛ́ psyɛ́ndzɔʼ ye pɔ́d nɛ́, sʉ́ʼʉ, kii tse tsɛʼɛ kesed ndúŋú kpaŋató yé.

Wo wɔ́ kaʼatɛ ŋgɛ fiʼɛ́ ŋgaŋafaʼ wɛ́ a wo nɛ́ pɔɔ? Kii a tsɛɛ nsó, kii a vɔ̌ sye, mbǒ yéré tiŋɛ́ ŋɔŋ wɛ́ a tsɛʼɛ wé. Á ntsɛ́ nsó! Ŋkyé ŋgâ Ntsɛɛpɔŋ kuʼɔ ne ŋgyɛ̌ne a tsɛ́ nsó.