ខគម្ពីរពេញនិយមពី Zhâŋ 15

ចែក​រំលែក

Mə tsítsəhó, puŋ pe pɛ mbwó nsó. Ŋɔŋ wɛ́ a yɛ́rɛ́ mbəb mo, mə ké mbó ndɛrɛ mbəb nɛ́. Ŋɔŋ wéré ŋgyɛ́ meno sʉ́ʼʉ zááme, ŋkyé ŋgâ a kâ mo, puŋ pe zhyɛ́ cyó yɔ́b pó.

Puŋ yɛ́rɛ́ mbəb mo njʉ́ mə ndɛrɛ́ mbəb puŋ nɛ́! Njʉ́ mbwó nsó nɛ́, a pɛ́ɛ́ yɛ́ a yɛ́rɛ́ mbəb tsǐnsó nɛ́ pó, tɛɛmbɛ a pé tóó ntáá ne ndúŋú yé pó. Ntsʉ́ŋntsʉ́ŋ njʉ́, tɛɛmbɛ puŋ pe zhyɛ́ cyó no sʉ́ʼʉ, kii yɛ́rɛ́ mbəb mo nɛ́ pó.

A pɛ́ɛ́ yɛ́ puŋ yɛ́rɛ́ mbəb mo, nsó ya pó ndɛ́rɛ tswee puŋ nɛ́, puŋ mbzirɛ́ mbɛ kɔ́ yɛ́ puŋ zɔŋɔ nɛ́, mbǒ pé ŋkʉ́yó fɛ́ ne puŋ.

A kɛ pe tsɔ́ʼ puŋ ntsɔ́ʼ ya pó, a tsɔ́ʼ mo ntsɔ́ʼ wúŋ, fɛ́ tʉ̌ŋ ne puŋ kɛ́ʼɛ́ ŋgâ puŋ ghú, ŋgyɛ meno sʉ́ʼʉ, meno sʉ́ʼʉ pɛ́ á ntsó nɛ́. Kaʼatɛ ŋkɔŋɔ yɔ́b yɛ́ puŋ mbzírɛ́ pwó Tɛd, ne tíí ya náá nɛ́, a fɛ́ ne puŋ.

Cyó ŋɔŋ tséʼé kəŋe kaʼatɛ a záá, fáá ŋɔŋ wɛ́ a tě tsómvé yé ŋkyé pɔŋ pɛ́ a kʉyě wɔ́b nɛ́ pó.

Ŋkɔŋɔ mbwó nsó mɛ́, a cʉ́ mbəb mo, mbé tóó ntáá nɛ́ pó, á tséé wé. Ŋkɔŋɔ mbwó nsó mɛ́ a tóó ntáá náá nɛ́, a tséé ŋkáb ndzóʼó, yânéré ŋgâ a pó tóó yé zááme ŋkʉ́rʉ́.

Kaŋ máá pé nɔŋ, puŋ kʉyě mbəb yúŋ njʉ́ mə kʉ́yé wúŋ nɛ́.

A ŋkhoʼyɛ́ puŋ ŋgyɛ́ meno sʉ́ʼʉ zááme, mbó ŋgɛ mbɛ́ ŋgíŋgye páá nɛ́ ŋkɔ́ŋ, Tɛd ya pɔ́rɔ́ ntsɛ́ʼɛ́ ŋgúʼune.

Yěsô pó nsó ŋgâ: «Mə ndáá tsǐnsó, Tɛd ya pé ndáá ŋɔŋ wɛ́ a faʼa ndúŋú nɛ́

A pɛ́ɛ́ yɛ́ ŋɔŋ yɛ́rɛ́ mbəb mo nɛ́ pó, mbǒ pé máʼá wé mvé njʉ́ mbwó nsó mɛ́ pe ntséé wé maʼa ndzɔ́ʼɔ́kaʼ, a zwɔ̂, pe ŋwéé, máʼá mɔ́ɔ́, a kpíí nɛ́.

Mə nsó yékénɛ́ ne puŋ kɛ́ʼɛ́ ŋgâ ndebéne máá pɛ́ ne puŋ, múŋ ndebéne pe yúŋme.

A pɛ́ɛ́ yɛ́ pǔŋ psyéb kaŋ máá nɛ́, mbǒ pǔŋ ntsó ndzɔ́ʼɔ́ ŋkəŋe ya, njʉ́ mə mbzyěb kaŋ Tɛd ya, ntsó ndzɔ́ʼɔ́ kəŋe yé nɛ́.

No yɛ́ mə nsó ŋgâ puŋ zhyɛ́ nɛ́, pɛ́ɛ́ ŋgâ puŋ kʉyě mbəb yúŋ tsetsɛrɛ puŋ.»

A ghɛ́ mbɛ puŋ pɛ́ɛ́ pɔŋ mvémvé, mbǒ mvémvé kʉyě yɔ́b yɛ́ a yé nɛ́. Ntsʉʼmbé puŋ pɛ́ɛ́ pɔŋ mvémvé pó, a tsɔ́ʼ mo ntsɔ́ʼɔ́ wúŋ ndzɔ́ʼɔ́ mvémvé ntíí ywoʼɔ ndúŋ. A zhyɛ́ yéré mvémvé páŋá wúŋ.