Ntsʉʼmbé, Pětro nsó ŋgâ: «Ananiyasə, a zhyɛ́ kɔ́ Sátaŋ zó ndzɔʼ wo kɛ́ʼɛ́? Wo shʉyɛ́ Zhʉye Yáŋme, ŋgʉ́ʼʉ́ cyó pɛ́rɛ́ mbób faʼ. A ghɛ́ tɛɛmbɛ wo pé tê kii fi pɔɔ? Mbɛ njʉ́ wo fí nɛ́, a ghɛ́ tɛɛmbɛ wo pé zhyɛ́ ne mbób njʉ́ wo kʉyě nɛ́ pɔɔ? A zhyɛ́ kɔ́ ŋgâ yekénɛ́ kpaŋ kʉ́yó ndzó ndzɔʼ wo kɛ́ʼɛ́? Wo shʉyɛ̂ pumésɔŋ pó, wo shʉyɛ̂ Mboʼmvé.» Ŋkhoʼyɛ́ Ananiyasə kɛ zóʼ nsó wéré nɛ́, a vô, ke pfɔ́ néré. Ŋkɔŋɔ pɔŋ pɛ́ pɔ́b kɛ zóʼó náá nɛ́ pɔ́ɔ́ kaʼatɛ.