ខគម្ពីរពេញនិយមពី 1 Korɛŋto 15

ចែក​រំលែក

Kɛ́ʼɛ́ kɛ pɔ́ŋmɛ́ páá pɛ́ mə kʉ́yé nɛ́, kii ndzɔʼ yuŋ ndɛ nteŋe, kii ndzɔʼ yuŋ ndɛ mvód, puŋ ke sáʼá tʉ̌ŋ faʼa faʼ Ntsɛɛpɔŋ ghú nuŋ ne ssó. Tsé ndzɛ ŋgâ ŋgəʼo yéré ŋkʉ́yó ndzaʼ ndzəndzoʼ siŋi Ntsɛɛpɔŋ pó.

Piŋi fɛ́ ŋgúʼune pwó Mboʼmvé, ye wɛ́ a yǎ mbəb Yěsô Kristo Ntsɛɛpɔŋ wíŋi ŋgyɛ́, piŋi maʼ ntsɛɛ vó nɛ́.

Puŋ ndɛ shʉyɛ́ mbəb yúŋ: kpěsɔ́ŋ kəpɔŋ ndɛ mbúbɔ́ mbziʼe sʉ́ʼʉ nɛ́.

Ntsʉʼmbé, a zhyɛ́ foʼ ndzəndzoʼ Mboʼmvé mə mbé yɔ́b yɛ́, mə ghu nɛ́. Foʼndzəndzoʼ ye yéré, kɛ pé pɛ́ mbəb mo pé ndzəndzoʼ pó. A kɛ po ŋgyɛ́ mə faʼ ntsɛ́ɛ́ ŋkɔŋɔ wɔ́b náá: ntsʉʼmbé, a pe fáʼa mo pó, a fáʼa foʼndzəndzoʼ Mboʼmvé yɛ́ a kɛ pɛ mbəb mo, nɛ́.

«Vó! Mǎʼne tsɛ̌ yɛ́ wo kɛ tséʼé nɛ́ yɛ? Khǔntsɔ mó mɛ́ wo kɛ tséʼé nɛ́ yɛ?» A kəpɔŋ mbé khǔntsɔ vó, a po fɛ́ kaŋ fɛ tʉ̌ŋ pwó kəpɔŋ.

Mə ŋgyɛ́ puŋ zé taʼ no ywʉ̌me. Piŋi ŋkʉ́yó pfo náá pó. Ntsʉʼmbé ŋkɔŋɔ wíŋi náá, piŋi ŋkʉ́yó sɛ́rɛ, mbɛ mbziʼe ndúŋ. A ne mɔ́ŋtiʼa ŋkhoʼ, pé ghɛ́ mvuwɛ́, njʉyǐnjʉyî ntaŋ tú. Ŋkyé ŋgâ ntaŋ náʼá tú, pɔŋ zhʉyɛ́ ne vó mbó mbé pe yɔ́b yúbme ŋkʉ́rʉ́ pó. Ŋgɛmbɛ ne piŋi, piŋi sɛrɛ yiŋi séd.

Ndaʼ ŋgâ njʉ́ vó kɛ záʼá mbəb taʼ ŋɔŋ mbé nɛ́, njʉyɛ́ne ne vó ké mbó ndzáʼa mbəb taʼ ŋɔŋ mbɛ́. Njʉ́ ŋkɔŋɔ pɔŋ náá yǎ mbəb Ádam pfɔ́ nɛ́, ŋkɔŋɔ pɔŋ náá ke náʼá ndǎ mbəb Kristo, ntsɛ́ʼɛ́ tsómvé.

A zɔŋɔ ŋgâ mbəb yiŋi yɔŋ yɛ́ tɛɛmbɛ a yúb nɛ́, séd ntsʉ́ʼ yɛ́ tɛɛmbɛ a pe yúb nɛ́ pó. A nzɔŋɔ ŋgâ mbəb yiŋi yɔŋ yɛ́ tɛɛmbɛ a pfó nɛ́, séd tsʉ́ʼ yɛ́ tɛɛmbɛ a pé pfo nɛ́ pó.

Ŋkyé ŋgâ a zɔŋɔ ŋgâ no fɔŋ ye kyáŋá kaʼatɛ Mboʼmvé zhyɛ́ ŋkɔŋɔ ghaŋákepeŋe pé náá, tsʉʼ ywoʼɔ́tíí kpee mé. Njʉyǐndzʉ ŋgaŋakəpeŋe wɛ́ pé kʉ́yó mbóó nɛ́, a vó