ខគម្ពីរពេញនិយមពី Rawma iyi 6

ចែក​រំលែក

Məŋgəvday muwurɓay tə kəzəɗ tə hem seh, ar məc. Ama məsəkəŋ Bizlaf mə vəl tə haya seh, ar mədəŋcur mə cukwaɗ səku əŋ jam talaŋ tə abə Yesu Almasihu Bay Bayta takwa.

Məŋgəvday hem a kənda i ɗal mazla ŋga a talaŋ təheni seh, aka səku ba, məŋgəvday heni kəwaŋgaŋ talaŋ əŋ ma majaw səku ba, ama heni kəwaŋgaŋ talaŋ əŋ səntaŋ tə Bizlaf.

Mənaŋ wa, kəɗi əŋ batem seh, i kəpəsanakwa za abə mbiŋ amba nakwa iyi jam əŋ məc ŋga, mənaŋ Almasihu mə garaha tə əŋ faŋw tə hedi maməc iyi abə fagay səndawl tə Baba, amba nakwa bahayim, nakwa mə nji əŋ nja lawayaŋ.

Hi mba i ɗiy ndəra təheni iyi abə ŋgas təheni iyi ley ɗalaŋ kəzəɗ əŋ hem mənaŋ məsəkəŋ kə ɗal məsəkəŋ madawar səku ba. Ama, hi vəl talaŋ təheni əŋ Bizlaf, mənaŋ hedi mə garaha tə əŋ faŋw tə hedi maməc iyi ley nja abə nje, hi vəl talaŋ təheni fuk əŋ kəzəɗ tə Bizlaf mənaŋ məsəkəŋ kə ɗal kəzəɗ sə delele.

Mazukwa i səŋ lawlaw mənaŋ wa, nja takwa tə əŋ nja tə hedi dəgənak sə zlezle seh, kəməc za abə Almasihu a mpay mazlaŋgal, amba jam takwa tə abə hem mə rəsl, nakwa iyi mba i nja əŋ məva tə hem səku ba.

Mənaŋ mba, heni bahayim, sey hi wulək mənaŋ wa: heni kəməc za hedi mawuɗak iyi fuk tə abə hem, ama heni mə jemi abə Yesu Almasihu, heni mə nji abə nje məŋgəvday Bizlaf.

Nakwa iyi nda i zlap əŋ cukwaɗ tə zlap wa seh, viŋgey? Nakwa iyi ziber ley nja əŋ hem amba səntaŋ tə Bizlaf mə fəfəl mbeh səku vaw? Məndiwiŋ ta seh, mənaŋ mba səku! Nakwa iyi kətaŋgaha za kəɗi a məc mə wuɗakanakwa tə abə hem: nakwa iyi nda i nja əŋ hem baha seh, viŋgey?

Heni kəsəŋgu lawlaw: Əŋgah heni kəɗalaŋ kəzəɗ tə hedi amba ley waŋgaŋ talaŋ seh, heni kəmbaɗ za əŋ məva iyi tə bay heni mə waŋgaŋ talaŋ wa. Ar seh, hem mə deɓ hedi əŋ məc, ar waŋ talaŋ əŋ Bizlaf mə deɓ hedi əŋ nja mənaŋ Bizlaf mə mba.

Ama mazukwa i ɗalaŋ sʉse əŋ Bizlaf! Heni hedi manja zlezle tə əŋ məva tə hem iyi, mənjawa, heni kəwaŋ talaŋ abə nəf təheni ntaɗ əŋ sərək heni mə lim. Heni mə pili cuza mar tə əŋ hem, heni mbə əŋ kəzəɗ sə delele.