ខគម្ពីរពេញនិយមពី Yahwana 12

ចែក​រំលែក

Əŋgah hedi a kəmba i ɗalaka kəzəɗ seh, mə zibereke. Mənaŋ wa, hedi mə ɗal kəzəɗ na a nja za əŋ lay sa mə nda i nja. Baba na a havaŋ talaŋ za əŋ hedi mə ɗalaka kəzəɗ.»

Hedi mə mba mədəŋcur ŋga seh, a kuɗəpza za, ama hedi mə mba mədəŋcur ŋga səku əŋ məŋhayak wa, a nda i jəɗu kwa a pipi a pipi.

Ayaw, sa kəzlapaheni məndiwiŋ, əŋgah mbu tə ndəri a nah əŋ teyek, əŋgah kəməc halla seh, a nda i nja ŋga taataɗ ŋga. Ama əŋgah kəməc za seh, a mbuw wuziyi mbeh səku za.

Sa seh, sa lay mawaɗ, sa kəndaha za əŋ məŋhayak, amba kwa viyey mə kuwaka a nja əŋ ləvəŋ halla ba.

Əŋgah hedi a zlim ma na, kəɗal kəzəɗ mənaŋ zlap ta mə mba halla seh, sa mə nda i mbəzlaŋ ma a talaŋ ŋga səku, məŋgəvday sa ndaha seh ley mbəzl ma a talaŋ məŋhayak səku, ama sa ndaha ley reh məŋhayak.

Abə dawaŋ ta izey, Mariyama a ɓət reyta tə litir tə ɓurdi tə dala tə a ɗek kwak, maɗal tə abə nardi sə kweɗek, a mbaɗaŋza a ŋgas tə Yesu, ɓa, a takwaɗaŋta abə bujuguɗ tə talaŋ ŋga iyi. Lay tə biŋ ta fuk kəgwaɗ za abə njif tə ɓurdi ta.

Tata fuk i ɓətaha ma ndəra tə mpay mənaŋ slibe, i təɗaha tata əŋ berne ley nda i gbamaŋ talaŋ əŋ Yesu, i kəja varay, i zla: «Hwazana! Bizlaf mə ɗiy ndəra bay ŋga a hedi mə ndaha tə abə miya tə Bay Bayta, Bay tə Israyila iyi.»

Yesu a ziŋgeŋta zlap, a zla: «Hala ta kəhwasaha za, amba Mbu tə Hedi a nda i nja əŋ səndawl.