ខគម្ពីរពេញនិយមពី 2 Tesalonisiɛ́ŋ 2

ចែក​រំលែក

Mɔnd dinúnéŋ ta agá nɛnama nínúm. Búguófoon ká ɔndɔndɔ uwɔgɔn ákɛ́n guúl, na ká mɔnd unyá na ifíl, wubaná agá bunyím bídíye.

Gá ubú búdílɛ́ŋaná belimen, digúsɛgɛmanan ká diéŋeen Gɔdányá nukany bɛsɛgɛl gidigid gán góbúsió banuá ɔbɔ́ Ɔgúnɔ́ bílénené. Gágual ká Gɔdányá menuéyíd agá nidúmin ká núbia gisódio agá Ɛsámb yá Mefúny yálaná ká núbá begubeg na agá nŋádáb agá meliŋítas.

Ugamányɛganɛn buanda gidigid ubú band búlígenyé, bónd bɔ́gɔ́lɔɔn anyɛ Gɔdányá. Ugenelukúmín na nɛkadɛ gidigid agá ɔnyɛb wá Gɔdányá, ubiɔ́yɔ ká unyɛ Gɔdányá.

Nsɛ́ Ɔgúnɔ́ wasɔ Yésu Kilíse uwɔ́ muát na Gɔdányá sié wasɔ umáadɛ́lɛ́g, uwadífá agág gá bese makányá má kandɛ nɛmanɛ́ná, na guágaan gá ɔdɛm gúnyá gugɔ́nɛ́nan, úfuógi ɛdɛm sán na nigég, wónd únúfá bugaga báguala bese agá bielínyélínyé na agá gugál.

Buád buanda Gɔdányá máadɔ́mɛ́n bɔ́ bugaga bá munéŋéŋ ká bádábaan bɛsɔbɔ.

Gɛsɛgɛl mɔnd uwaány genuúl na bugaga búgenúlenin wɔ́ agá Sátan, ugala bisey na bikékén bá manda gá gunéŋe band. Ugala manda amabɛ́ gidigid gá gúnéŋe band bábaná agá bunyím. Bégenyímen gágual ká bádɛmagɛ́ndɛ́gɛn, ta gubíléne meliŋítas mámáabá mógúsódi bɔ́.

Gagual ká mɔnd wa ifíl ganyá guala buol agá niɔs, búguófoon gɔg ká bánɔ́ŋɔ́n ewe wadɛganá wɔ́ nɛ́nuán.