ខគម្ពីរពេញនិយមពី 1 Kɔlɛntiɛ́ŋ 6

ចែក​រំលែក

Duɔ́l dán nyɛ ɔnyɛb wá Ɛsámb yá Mefúny ɛyɛ́ núnyá na yɛ́, ínúleniné agá Gɔdányá, Nudɛgɔ́lɛnsan nɔ́ e? Duɔ́l dán dɛ́bá dán. Gɔdányá méeŋín bɛnama giod ká núbá bág. Kánɛ gɔ́g nubiananá ká núgúmenyi Gɔdányá na duɔ́l dán.

Nudɛgɔ́lɛnsan ká ebe bálaná bɛfal dɛgabia niluku agá bufuŋ bá Gɔdányá e? Nudibínéŋ! Ta band bɔbídɔ́bɔnɔ́, ta band bégúmenyé bagɔdányá bóndodió, ta ebe bábɛ́dɛ́maná na band bádiábáná begiŋen, ta banɔ́mandɔ bɔ́sɔ́ŋɔninɔ́ bɔ́bɔ́ na bɔ́bɔ́, ta beéb, tá ebe bébísesenyé manda má bɔsɔ́gɔ́, ta bebél magɛ́b, ta ebe bálaná muódón, ta ɛmɔnd, anama yá band ayány dɛgabia niluku agá bufuŋ bá Gɔdányá.

Ánɔtɛɛ́n gubídɔ́bɔ! Gágual ká bɛfal bímodió dɛguágaan nuɔ́l biíle. Ewe gidigid ubídɔ́bɔnɔ́ guála nuɔ́l nág ná muát bɔbɛ.

«Bóndodi agán gá ɔlɔŋ guɔ́yɔ ká bányɛ́ báguala buand gidigid ubú bébílénené». Saá buand gidigid gɔg búnyá bese gán. Bóndodi agán gá ɔlɔŋ guɔ́yɔ sɔ́n ká: «Dɛnyɛ báguala buanda ubú dibílénené», ndɛbá bágɔ́bɛ́nɛn gɔg ká mbá giɔ́l gá buanda.

Gɔdányá uméenyí Ɔgúnɔ́ aga ebeguén na bugaga bág, ugediényi basuá sɔ́n agá nigú.