ខគម្ពីរពេញនិយមពី Luka 5

ចែក​រំលែក

Ndə a kəɗaŋ zlap tə bəza, zlap a zlapanə a Simun iŋgaya: «Kərəɗ a ŋge a gaw, ci hwa abə həji ma ndza aska hwa aagi, huni fak kadara kuni, huni mbəla ŋkilif.»

Simun zhin a zhinanə: «Madagal, ni wan a ɗi zaɗə zaɗə a ɗal zlən, ni tambəlaɓa akas. Ama azha, aska ma kwa, sa fak kadara aagi.» Azha, fak aa fak kadara ta aagi, aa tambəla ŋkilif dagala, kadara a kagas a ŋhwak tə.

A tsutsa, Yesu tsaa nda tə ŋtaguleŋ tə ata la ndə həji aagi ŋkula ndza ka, aska katarha.

Sa taha a ya həji ma dəlili aagis. Ama, sa ndaha a ya həji ma gəy ma aagi, aska aagi ambaɗ landza ta bəza.»

Ndə a gəra ikwa ana Simun Piyer ya, dəba a agəliɓanə a Yesu, iy kəsha iŋgaya: «Bay Madagal, kərəɗ kwa bəza gədək abəra sa. Ara ndə a ɗa meni, sa ɗa ala ma gəy ma.»

Yesu zhin a zhinatana: «Həji ma wirwir ma ŋkula ndza abə dawər aagi aa tamay dakwtər akas. Ci həji dawər aagi ana ma ndza abə may tə.

A tsutsa, zhin aagi gəlmbə ta ka ata hayak, mbasl aa mbasl ka abə səkən ma ndza a mən aagi tiwtiw, aa tsaa kanda ta a səbar Yesu.

Vah minja aka, Yesu a hayak ma dzamadzam minja. Azha, ala minja aka, zlikusəm tə tiwtiw abə mbəlah ara fagwalakw. Ndə a gəra Yesu, fak i ha tə ka atama ata hayak, ŋtiŋ i wənək tə ka a hayak, tsa katarə iŋgaya: «Bay Madagal, andza hwa taɗiwi, hwa suguf aka fagwalakw naka bəza.» Yesu kaf i ra, pa a tsa ra ata ala fagwalakw watsa, zlap a zlapanə: «Sa taɗiwi, fagwalakw kwa masuguf tə.» A tsutsa kajik, fagwalakw tə, tasuguf tə, dadawər tə kəɗaŋ.

Ama, həji aagi aa kavas zlap a guɗaŋ ata Yesu. Həji aagi taha vərəm ara, aska a teh ma tə, abə aska a kwaleŋatana dawər ta aagi bəza.