ខគម្ពីរពេញនិយមពី Yahwana 15

ចែក​រំលែក

Sa ana nduŋ mpi, huni ɗa maram mpi aagi. Ala ma ndza a sa pal, ndə sa tə yəm sa a mən pal, ala tə a mbəw mbə dagala, ara ndə huni, huni kula ɗal səkən minja andza sa abə huni akas.

Andza ndə maram mpi kula a mbəwɓa mbə səku ara ndə a ŋkula ndza ata nduŋ mpi, huni tə yəm, andza huni tandza a sa aka səku, huni kambəw mbə akas.

Andza huni tandza a sa pal, azha zlap naka aagi tandza a huni pal, huni aɗiw səkən ndə huni kamayə, huni alima.

Huni ma mayakas, sa ana ma mayahuni, azha sa ma tsahuni aska, ci huni, huni nda ya, huni ba mbə, azha ci mbə ma ndza pal. Mbara azha, Vava a avəlahuni kala səkən ndə huni kaaɗiw ara aagi tiwtiw ata zləm naka.

Ala ma kavəla miɗ tə aska ŋgwanambə aagi, mayha ma dəy aha aka zhanas.

Kala maram mpi ma ndza a sa, ma ŋkula mbəw mbə, a bəla ka, ama maram mpi ma ndza a sa, ma kambəw, həji sahw bəza, aska a mbəw ma dəy aha zhana.

Tsakwa ana ma ma dzawadzaw naka: huni may kwa vaye kuni andza ndə sa mayahuni.

Səkən ma kasləf Vana ci, huni mbəw mbə dagala, azha ya, huni ɗa magəli naka aagi.

Yesu iŋgaya: «Sa ana nduŋ mpi ma ŋtan azha Vana ana cina la.

Andza ala ma ŋkula ndza a sa pal, a fak tə aha bəza andza maram mpi tsa kaŋhwal. A diwzha həji kwarata, həji kwiyata a kwahu azha aa tsa kaba.

Sa tazlapahuni ma watsə aska ɓas naka a ndza a huni, azha ɓas kuni a ɗa mkpef.

Andza huni tambəla ma naka ma ma dzawadzaw ci, huni andza pal a mayha naka, andza ndə sa, sa mbəla ma ma dzawadzaw ataa Vana, azha sa ndza pal a mayha tə.

Səkən ndə sa kaɗiwi ara huni ci, huni may kwa vaye kuni», iy.

Andza huni va a ɗa həji manahayak, manahayak a mayahuni, ama huni tagwar a ɗa həji tə aagi səku. Sa ana ma tsahuni ka parpar gədək abəra manahayak, mavəy sha abə manahayak a ŋkalzə nja kuni.