ខគម្ពីរពេញនិយមពី Luka 3

ចែក​រំលែក

Aya, maa Yuhana a kabanata hejəye tewtew a yam baptəysma ca, Yesu a ndaha, a lem laban aza a yam baptəysma yam. Aya, maa a karak Gazlavay ca, la ma mgba ata uzlaf, bədaŋ a zlarha. Zəwet ma keweɗ tadakw a tadakwha ata mbe ana məyɗanak. A təwse ca, ula a jaha mgba ata uzlaf wese, a ŋgaya: «Hwa ca, hwa mba naka maa sa kaɗaw mambaza. Sa kasasam dakala ata hwa.»

A təwse ca, Yuhana a zlepetene ŋ hejəye tewtew, a ŋgaya: «Sa ca, sa banahune ca, a yam baptəysma gagaha, cemey, ɗala matakan, ma pa ŋ ɓarɓar aha sa, a nandaha. Kaw ŋ pal serek ŋte anta ca, sa kahwas səkwaw. Mbe ca, a nabanahune a Zəwet ma keweɗ leŋ a kwahwaw.

Hune la zlan ege ma taŋtaŋ ŋ ghwalza ca, hune kája mbahw aza, hune kábawza lanja ŋkune ege aza a tama Gazlavay! Hune ɗaw ŋ deŋza ŋ unaf ŋkune ege ca: “Əybərahəyma, ara jeje ŋcene,” səkwaw! Cemey, sa kazlapahune, Gazlavay kula ŋ bawzata ŋkəɗaŋ ŋghe ege aza, əy la tata ŋ uzəye Əybərahəyma ege.

Hune sla ka! Jene késleye aza ŋ bal mpe zlaɓa slaslalay anta ege tewtew. Ndaw mpe kaw vekey ma kambaw mba ma taŋtaŋ səkwaw ca, əy nabalza, əy nanahza aza ŋ kwahwaw!»

Cemey, kála anta ana ma meŋtereŋter ŋ ɗerewel Esaya, mba ma zlap ma mala Gazlavay, a ŋgaya: «Ɗala a kaja ula ata darzlam, a ŋgaya: “Hune lemzene taf aka ŋ Bay Madakal, hune lamzata taf anta ege aka, gbar delele. Lalahw kaw vekey mampas anta, ata barla kaw ey dawan kaw vekey əy mala tata paɗay paɗay, taf ma hwarndəɗaŋw ege əy magar gbar delele, taf ma kadak səkwaw ege əy malam tata tuwah. Hejəye tewtew əy megəre lereh maa Gazlavay a valza!”»