ខគម្ពីរពេញនិយមពី Luka 14

ចែក​រំលែក

«Mada ɗala a kaɗaw ŋ səberekey ca, səy ma ɗewekey day aha ata cen ey maman, day aha ata wala anta ey uzəye anta ege, day aha ata zlaŋgan mawal ege ey heldəməye, day aha ha anta. Askwaw ca, heje anta, a kanala kula ŋ la ŋ madarlaŋw naka səkwaw.

Kaw vayay ma kula ŋ sew gef ma kanandaha a heɗe mavəday maa a səberekey askwaw ca, mbəy kula ŋ la ŋ madarlaŋw naka səkwaw.»

Mavəday anta, kaw vayay ma mpam ŋ galza ha anta aza ŋ ɗala ma dakal ca, Gazlavay a nezenza aza ŋ ɗala ma pəzekw. Kaw vayay ma mpam ŋ zenza ha anta aza ŋ ɗala ma pəzekw ca, Gazlavay a nagalza aza ŋ ɗala ma dakal.»

Ana ebe ŋghe, mada kaw vayay ŋ taba ŋkune kégeɓza səkan ma asa ra anta ege ka tewtew leŋ hejəye anta ege askwaw ca, mbəy kula ŋ la ŋ madarlaŋw naka səkwaw.»

«Mada ɗala ŋ taba ŋkune, a kaɗaw ŋ lam ujek ma dakal ca, səy a ulakza aza kwagwa, ujek anta a naŋta ca, səlay vanay? A dəwze anta, a sarza səlay ma asa ra anta a hwas anta ŋ maɗza zlan anta vaw? Mada səlay ma asa ra anta parham ŋ maɗza ujek anta ca, cemey, kámar ŋ ca ndaŋw ujek anta aza, a dəwze anta mbəy kula ŋ maɗza səkwaw ca, hejəye ma kanagəre ujek wese ege ca, əy naɓas a heɗe, əy ŋgaya: “Heje ŋghe kámar ŋ lam ujek anta aza, cemey, mbəy kula ŋ maɗza səkwaw.”»

Cemey, mada hwa kada uda gwaygwaya ca, yahata hejəye metetekw ege, hejəye ma halɓaya ege, hejəye ma a ŋgas gwesleleŋ ege leŋ ulaf ege. Aya, bəzla Gazlavay a nja ata hwa, mavəday əy kanala kula ŋ ŋtarahwaw səkan maa hwa letene anta səkwaw. Cemey, Gazlavay a naŋtarahwaw səkan ŋkwa anta ka ata vah maa hejəye ma taŋtaŋ a tama Gazlavay ege, əy kanagwarzamha aza ata lamac tata.»

Yesu a zlepetene, a ŋgaya: «Ayaw, mabanban ca, ara səkan ma taŋtaŋ. Cemey, mada mabanban anta barbar zeney askwaw ca, heje nala ŋ zenaza barbar anta zeney ca, vaŋgay? Mabanban anta kadak zeney səkwaw. Kaw ŋ tamza ŋ la, kaw ŋ hwaɓ la ca, kadak zeney səkwaw. Əy nazlaɗaza, əy natamza aza a bəza. Ɗala ma zlam a heɗe ŋ zləme aka ca, mezləme ma ŋghe kadak kadak!»