ខគម្ពីរពេញនិយមពី Luka 12

ចែក​រំលែក

Hune yam, hune sla ka kadak kadak, mavəday sa, sa Mba Ɗala, sa nandaha ata vah maa hune kedeŋza ca, askwaw.»

Zukwan ca, hune mpam Lazam bay mala Gazlavay mpar, a dəwze anta Gazlavay a navalahune səkan ege vedəye vedəye a heɗe zeney.»

A dəwze anta, a zlepetene ŋ hejəye tewtew, a ŋgaya: «Hune sla ka! Hune ɗaw ŋ mpam səkan ma asa ra aza mambaza səkwaw. Cemey, kaw ɗala mbəy zlaɓa səkan asa ra anta aka dakala ca, a kananja mavəday anta kaw vepey askwaw.»

Ayaw, ata la ma səkan ma asa ra ŋkune ege əy kéɓeheye ca, unaf ŋkune ege əy a təwse yam.»

Ma kula ŋ taba ŋkune, a ledeŋ ŋkwaɓ anta ŋ falza wan lanja anta ŋ manhayak kaw cekuɗe ende ŋghe ca, vayay?

A dəwze anta ca, Yesu a zlepetene ŋ madarlaŋw anta ege, a ŋgaya: «Mavəday anta, sa kazlapahune, hune ɗaw ŋ ŋga ŋkwaɓ ata lanja ŋkune ege səkwaw, ata səkan ta zam səkwaw leŋ ata rəgwac ma ata ca ata kusam ŋkune ege səkwaw.

Hune yam, kaw jukwaɗ ha ŋkune ege, əy kéŋgeɗeye teŋguleŋ teŋguleŋ. Hune lalak səkwaw. Cemey, hune ca, Gazlavay a kaɗawahune day aha uzəye vəgem ege vəram.»

Yesu a zlepetene a madarlaŋw anta ege, a ŋgaya: «Hune lalak səkwaw, hune ca, hune vəram askwaw, ana ŋtəməye ma əy kəcer ege ende ŋghe, cemey, Cehw ŋkune Gazlavay, mbəy ma ɗaw ŋ valahune səkan ma tuwah tuwah ege ŋ bay anta.

Hune sarzata vəgem ege may. Kaw əy kazləka səkan askwaw, kaw əy kepetha səkan askwaw, kaw əy kaɓah səkan aka askwaw, kaw tərgwa tata askwaw. Cemey, Gazlavay a kezemetene səkan! Hune ca, lanja ŋkune pa day aha vəgem ege, səkwaw vaw!

Ana ebe ŋghe, ŋkwaɓ ŋkune ege əy ɗaw ŋ ŋga ata pes ata pes ata səkan ma ata zam ey səkan ma ata sa səkwaw.

Ara Gazlavay ma kafafanzata ŋkusaf ege a tambaca, cemey, a mapat ca, əy ŋkəɗawata ŋ kwahwaw. Hune ma lemzekey ŋ unaf ŋkune səkwaw ege ŋghe, Gazlavay mbəy kula aza ŋ cahune rəgwac ma pa ma tuwah aha fafan anta ege.

Səkan ege tewtew maa hejəye əy ɓahzata ka ege ca, əy naghwalha aza ŋ varvara. Ma ege tewtew maa hejəye əy kazlapata ŋ taba tata ege ca, hejəye tewtew əy nasanata aza.