ខគម្ពីរពេញនិយមពី Yuhana 6

ចែក​រំលែក

Yesu a zlepetene, a ŋgaya: «Sa ca, sa peŋ ma kaval lanja. Kaw vayay, ma ndaha ara sa ca, metes a kenezen ŋ jaw, askwaw. Kaw vayay, ma lemzekey aza yam ca, yam a kenezen ŋ jaw, askwaw, kaw vepey.

Ara Zəwet ma kaval lanja, kusam heje dakənak ca, kula ŋ la səkan kaw vekey, askwaw. Ma maa sa zlapahune ŋghe ege ca, ara zəwet ey lanja.

Hune ɗaw ŋ ŋga ŋkwaɓ ŋkune aka mavəday səkan ta zam ma kagay, səkwaw, cemey, hune ŋga ŋkwaɓ, mavəday səkan ta zam ma kanja kaw vepey. Səkan ta zam anta ca, Mba Ɗala a navalahune. Cemey, Cen, Gazlavay kévelene ɓardakw aka a Mbaw.»

Səkan maa Vana a kaɗaw ca, kaw vayay ma gərekey, sa, sa Mba anta leŋ ma lemzekey aza ca, a nelem lanja ma katuwaɗ səkwaw, kaw vepey. Aya, ata vah maa manhayak a kanatuwaɗ ca, sa gwarzamaza aza ata lamac.»

Yesu, a zenetene, a ŋgaya: «Zlan maa Gazlavay a kaɗaw hune lene ca, hune lamza ɗala maa a laɓaza.»

Hejəye maa Vana a velekey ata ege ca, əy nandaha ara sa. Ɗala ma ndaha aza ara sa yam, sa kanagam a bəza, askwaw.

A təwse ca, Səymawn Pəyer a zenene, a ŋgaya: «Bay Madakal, nene nanda ca, ara vayay? Zlap ege ma kaval lanja ma katuwaɗ, səkwaw kaw vepey ca, əy ara hwa.

«Sa ca, sa peŋ ma kanja, ma tadakwha aka ta mgba ata uzlaf. Ɗala kázam peŋ anta ca, a nanja kaw vepey. Peŋ maa sa kanavalza ca, ara kusam naka, ma kéveleye mavəday manhayak, ndar a lem lanja.»

Ɗala ma kula ŋ ndaha ara sa ca, askwaw, səy Vana ma leɓekey a manhayak, mbəy menjewaza. Kaw vayay, ma ndaha ara sa ca, sa nagwarzamaza aza ata lamac ata vah maa manhayak a kanatuwaɗ.

Mavəday anta, səkan ta zam mala Gazlavay ca, ara ɗala ma tadakwha aka mgba ata uzlaf leŋ ma kaval lanja a manhayak.»

Sa ca, sa peŋ ma kaval lanja.

Aya, Yesu a ŋta ata peŋ ege wese, a lene wasay ŋ Gazlavay, aya, a ŋtezetene ŋ hejəye manjanja ege wese, a la ana mbe a ŋkəlef yam. Kaw vayay a zam həraɗ ana maa a kaɗawaw. Aya, maa əy həraɗ, tewtew ca, Yesu a zlepetene ŋ madarlaŋw anta ege, a ŋgaya: «Hune ɓec sekəɗe anta ka mavəday a ɗaw ŋ gay anta səkwaw.»

A dəwze maa əy gaɓ kwambawal tete kəylawmeter jaɓan askwaw ca, ŋkwah ca, əy gəre Yesu a kandaha ata yam, a kanda kəɗa ara kwambawal. A təwse ca, əy kálalak tata. Cemey, Yesu a zlepetene, a ŋgaya: «Ara sa, hune lalak, səkwaw.»