ខគម្ពីរពេញនិយមពី Yohánese 15

ចែក​រំលែក

Ndámó tíné ra wérété ówó wó eréenámó reséne, vinó no ámó párá. Ojo a riíriyámó ndata name, noó hónó ndiíndií ndata náá a né umámó ombunu rá vibomá esene éyé ka na noó, no ta hítí weŋga wandá.

Ríyáno ndata name, ámó noó ndo ámó ndata na vinó. Párá e ta hítí wumé vibómá moká, e geremenámó oríi ndata na tiné. Náná kówo vinó hónó no ta hítí wumé vibomá ŋgé no a ríi ka rií ndata name.

Ŋgé no a ríirii ndata name, vipéŋgé vyámé ví ríirií ndata na vinó, súsáno wandá wimé ówó no diŋgámó, no né timbámó.

Até vinó káva no ma ŋgijátá, wó ámó noó kójo ŋgo ma nó ijátá kó ŋgo ma nó tómá anáá índi no umé vibomá, vibomá íví ví mó ríyámó téé. Naná, wimé ówó no né súsámó Tetáŋgá na ebérááná yámé a né nó hwámó.

Ndeme ra ekáné yá andiŋgé e ámó anáá moto a eréena esɔ́tɔ́ yáa na wúsó wá va mbérá váa.

A hátónámó párá rame iŋgimé éjé e ta umé vibomá, kó a koronámó párá éjé yo umámó vibómá anáá índi e caka wumé hée mbunu.

Tévéré rame kéejé: Diŋgáánáno vinó na vinó ámó ŋgo ma nó diŋgé.

Niimí ná Tetáŋgá nó enéyámó táma éjé no umámó vibomá mbunu no wunde otíhíye honó vato anáá no ámó vihoóhóná vyámé.

«Ndo ámó tɔ́ɔ́tɔ́ wa werété ówó wó eréenámó mɔwɔ́, kó Tetáŋgá kójo a ámó abeerye.

Ojo a ta ríirii ndata name, vá né me umbámó na naŋgáté ámó párá kó a kótánámó, kaá vigwé vyá párá, vá tótámó onɔɔnɔ naáté yá ihyáné kó í hyámó.

Ŋgo ma nó ojáná wandá mwáné anáá índi visaŋgena vyámé ví ríi na vinó ombótá ójó anáá visaŋgena vyá vinó ví rií táásé.

No a bééryé muki mwané, no dyeenámó naáté yá andiŋgé ramé, sɛ́ɛm ámó noó ŋgo ma beeryé muki mwá Tetáŋgá kó ŋgo ma dyeenámó naáté yá andiŋgé ráa.

Tévéré rame e ámó anáá no diŋgaana vinó na vinó.»

No mó ríi no rií vá cí ra ndono, cí ra ndono e mó éŋga e nó diŋge esene éyé no ámó iváa. Wó jé rií anáá noó ŋgo ma nó ijátá o nó uryé na cí ra ndono wandá mwáné kówo cí rá ndono é nó bénámó ámó no ta ámó íváa.