ខគម្ពីរពេញនិយមពី Aba Loma 8

ចែក​រំលែក

Tusimenye ukuti ifindu fyosi fikubendela akisa abandu bo bamughanite u Chala, bo bitisiwa ukuyana nu bwighane bwake.

Pakuti simenye ukuti nachimo cho chingatupaghulannya utwe nu lughano lwake, napo bufwe pamo bumi, napo bandumi aba kumwanya pamo abalaghili, pamo ifya ipano pamo ifya mundasi pamo abamaka, napo butali bwa mumwanya napo butali bwa kuya pasi, napo findu fyosi mufipeliwa fyosi fyo fingatupaghulannya utwe ku lughano lwa Chala, loli mwa Kilisitu Yesu u Malafyale witu.

Umwakuyana bubu, u Mbepo ukutwafwa ukufoka kwitu, pakuti utwe tutamenye namo tubaghile pakwiputila, loli u Mbepo Mwikemo akutwiputila nu kukuta, ko tutangayughiwa na masyu.

Imba tungati choni, mu fyosi fififi? Pala u Chala ali nutwe, we wenu yo angatususya utwe?

Pololi ipano, ataliko nayumo yo angabasusya bo bakwikala mwa Kilisitu Yesu.

Pakubika inyinong’ono pafya mubili, ubumalilo bwake bufwe. Loli pakubika inyining’ono pafya mwa Mbepo bo bumi nu mutende.

Awe, loli mufindu fyosi fififi twe bakupota ukwendela mu yo akatughana utwe.

Une ngwinong’ona ukuti indamyo syo tuli nasyo ipano tutangafwanikisya nu bughindikiwa bo bukwisa pakufumbuliwa ku kwitu.

Imba we wenu yo angatupaghulannya ku lughano lwa Kilisitu? Imba indamyo pamo ukutamiwa, pamo ukufwimiwa, pamo isala, pamo ukusita kuba ni fyakufwala, pamo ifyakoghofya, pamo ubufwe?

Sona u Chala yo akutesya mumyoyo yitu, asimenye mo u Mbepo akwitwinong’ononela, chifukwa u Mbepo akubiputila abandu ba Chala ukuyana nu bwighane bwake.

Pakuti abandu bo bakulongosiwa nu Mbepo wa Chala, bana ba Chala.

Pakuti Abandu bo bakwikala ukuyana nubundu, bakubika inyinong’ono syabo pa finyenwa ifya mubili. Loli bo bakwikala ukuyana nisya mwa Mbepo, bakubika inyinong’ono syabo pa finyenwa ifya mwa Mbepo.

U Chala atakatwima u Mwana wake, loli akatupa chifukwa cha utwe twe bosi! Imba atangatupa sona ifindu fyosi?

U Mbepo wa Chala akusimikisya poka nu mbepo witu ukuti utwe twe bana ba Chala. Po pala twe bana ba Chala, twebakupyana, po sona twebakupyana poka nu Kilisitu pala tukukomana nawe mundamyo syake umwakuti tughindikiwe nawe poka.

Pakuti syo umubili ghukwinong’ona silughu kwa Chala, po sitakwifwila indaghilo sya Chala, naloli sitangifwilapo.

Pakuti Ifipeliwa fyosi fikulindilila nu kusubila ukuti u Chala abafumbulile abana bake.

Pakuti tusimenye ukuti fipeliwa fyosi fikukuta nu bubafu ngani ngati mukolo pakabalilo akakusayiwa.