ខគម្ពីរពេញនិយមពី Aba Loma 3

ចែក​រំលែក

pakuti abandu bosi banangite, sona bapotwa pakufikapo pa bughindikiwa bwa Chala. Bosi bakuyughiwa ukuti bagholoke muchisa chake ukwendela mwa Kilisitu Yesu, yo akubapoka.

U Chala akabayugha abandu pakuba bagholoke pamaso papake ukwendela mu lwitiko lwabo mwa Yesu Kilisitu. U Chala akabomba sisisi ku bandu bosi bo bakumusubila u Kilisitu, chifukwa patalipo ukulekana nakumo

U Chala akamubika pakuba chakwiyipa, ukuti ukwendela mu bufwe bwake imbibi sya bandu sihobokeliwe, ku bo bakumusubila. Akabomba bububu ukulangisya ubugholoke bwake, chifukwa cha bufisalyoyo bwake ukuti atakabafundile nganila abandu bo bakananga. Loli ipano u Chala amusala ukuti alangisye ubugholoke bwake. Pakubomba sisisi akilangisya mwene ukuti mugholoke, sona nukuti akubayugha abandu bosi pakuba bagholoke, bo bakusubila mwa Yesu.

Pakuti atalipo umundu yo u Chala akuyugha ukuti mugholoke pamaso papake chifukwa cha kukonga indaghilo. Ukwendela mundaghilo sikutupela ukuti tumanye ukuti twananga.

Ngati mo kasimbiliwe ukuti, “Nayumo umundu yo mugholoke, nayumo umundu yo akusyaghannya, pamo yo akulonda pakumumanya u Chala. Bosi bapaghukila kumbali, bosi banangite nayumo yo akubomba cho chisa, napo weka bubu.

Pololi tukusyaghannya ukuti umundu akuyughiwa mugholoke mu lwitiko ukusita ukubomba imbombo sya ndaghilo.

Awe, napo papala! U Chala abe wabwanaloli, napo umundu wesi mumyasi. Pakuti amasimbo ghakuti, “Ube we wabwanaloli, po ukuyugha, sona po ukulongiwa inongwa, ubaghile ukupota inongwa yako bo ukulongiwa.”