ខគម្ពីរពេញនិយមពី Aba Loma 12

ចែក​រំលែក

Mutakeghelelaghe ingalo sya bandu aba muchisu ichi, loli mumwitikisye u Chala ukuti andule ubumi bwinyu pakuba inyinong’ono imbya. Po mukwisa pakumanya ubwighane bwa Chala, pakumanya cho chisa, ichakumuhobosya, sona ichakufikapo.

Pololi bakamu bangu, chifukwa cha chisa cha Chala ichikulu ngani kukwitu, ngubasuma ukuti mwiyipe imibili yinyu pakuba chakwiyipa cha bumi, ubwikemo sona iya kumuhobosya u Chala, koko kwiputa kwinyu ukwa mbepo.

Muhoboke mulusubilo lwinyu, mukibe mundamyo sinyu mubukilile pakwiputa akalilo kosi.

Mutakitikisye ukuti ububibi bubapote, loli mubupote ububibi pakubomba inyisa.

Mughananaghe nu moyo ghosi ngati mwe bakamu. Mughindikanaghe mwebene.

Ulughano lutakabe lwa bumyasi. Uchibenge cho chibibi, loli chikolelele cho chisa.

Pala chingabombiwa, mube mu mutende na bandu bosi.

Mwe bakamu bangu, mutakatanisyaghe ububibi, loli mu mulekele u Chala ukuti atanisye mubukalale bwake. Pakuti amasimbo aghakuti, “Ukutanisya ko kwangu, une ngwisa pakutanisya.” U Malafyale akuyugha.

Mutakabe bakata, loli mwiyuleghe mwa mbepo. Sona mu mubombelaghe u Malafyale umwakwiyipa nu moyo winyu ghosi.

Pakuti ichisa cho mbeghiwe une, nguyugha numwe mwebosi ukuti mutakipimaghe mwebene pakuba bapamwanya ngani ukukila namo mubelile, loli mube bakwiyisya imyoyo yinyu ukuyana ni chipimilo icha lwitiko lwinyu, lo u Chala abapile.

Utakatanisyaghe ububibi pa bubibi. Cheba pakubomba cho chisa pamaso pa bandu bosi.

Mube nu moyo wa kwifwana na banyinyu bosi. Mutakitufyaghe, loli mwangale poka na bandu bo basuliwe. Mutakipimaghe mwebene ukuti mwe bamahala ngani ukukila bosi.

Loli pala umulughu wako ali ni sala, umupe ichakulya, pala ali ni nyota, umupe amisi. Pakubomba bububu kokuti ukumukosya ni chibunga cha mulilo wa mababu pamutu pake.”

Mubasaye bo bakubafwima, mubasaye sona mutakabaghune, awe. Hobokagha poka na bo bahobokite, lilagha poka na bo bakulila.

Mugabanaghe na ba Kilisitu abanyinyu bo bakusobelwa. Mupokelaghe abagheni.

Pakuti ngati mo tubelile nifigaba ifingi mumubili ghoka, po ifigaba fyosi fili ni mbombo isyakulekana lekana. Umwakuyana bubu, napo twe bingi, twe mubili ghoka mwa Kilisitu, sona tumamatisiwe ku munine na kumunine ngati figaba ifya mubili ghoka ifyakulekana lekana.