ខគម្ពីរពេញនិយមពី लुक 3

ចែក​រំលែក

जाहां आखा माअहूं बाप्तिस्मा लेत लेदो आन ईसु बी बाप्तिस्मा लेत कोइत प्रार्थना कोअतुतो, तेहेलाम जुग उगड़ीत गोयो. आन पवित्र आत्मा पेरवाअ होस शरीरोअ रुपोमेहें तियापोअ उतर्‍यू, आन जुगोम रोत एहेलुहू आवाज आयू के, “तु माआं मेरालू बेटुह्हू होय, आंय तावाअहीं खुस होय.”

ताहां योहाने तियां आखाहा कोयो, “आंय तोम तुमुहूं पाअयों वाअहीं बाप्तिस्मा आपोहो, पोन जो आवनारु होय तो माआं रोत जाअखु ताकतवालु होय; आंय तोम तियाआ बुटोअ दोअड़ी सोड़ीइलोअ बी लायक कायनाहां; तो तुमुहूं पवित्र आत्मा आन आगी वाअहीं बाप्तिस्मा आपे.

ताहां मोन फिरावीलोअ खोरो फल आपा, आन तुमाआं मोनोम एहेलुहू विसार मा कोअहा के आमाआं आब्हू अब्राहाम होय; काहाके तुमुहूं कोहो के देव यां डोणोम रोत बी अब्राहामोअ कोअते पोर्‍ये उब्जाड़ीत सेकेहे.

आन कुवाड़ ओमेंज साड़ोअ थुड़ोम तोइत रोयोहो, तियाहा कोत जो साड़ हाजो फलवो ने आपे, तो साड़ वाडीत कोइत आगीम टाकात जाय.”

जेहलोहो यशया भविश्यवक्ताआ पुस्तको मेहें लेख्योहो: “रानोमेहें कोडा तेबी बोंबलीइनाराअ शब्द होय: प्रभुउ वाट तियार कोआ, तियाआ सड़क हुदी कोआ. हर एक खायारु बुजाइत जाय, आन हर एक डोगोअ आन टेंबा निसे ओत जाय; आन जे वाकड़ी-तिकड़ी वाट होय ते हुदी ओत जाय, आन जों उसो-निसो होय, तों सापाट ओत जाय. आन आखे माअहें देवोअ सुटकाहा देखे!”