ខគម្ពីរពេញនិយមពី योहान 15

ចែក​រំលែក

“आंय दाराक्शाआ वेलो होय आन तुमू फाकड़ी होये. जो मामेहें रोहे आन आंय तियामेहें रोहो, तों जाअखीलोहो फल आपेहे, काहाके मापरोत आंगे ओत कोइत तुमू किज बी ने कोइत सेकत्ले.

तुमू मामेहें रोवा, आन आंय तुमामेहें रोहीं. जेहें कोइत फाकड़ी जर दाराक्शाआ वेलामेहें ने रोये, ताहां ते नाहां फलीत सेकती. तेहेंज कोइत तुमू बी जर मामेहें ने रोहा ताहां नाहां फलीत सेकते.

जर तुमू मामेहें आन माआं शब्दे तुमामेहें रोय, ताहां जो जोवे मागा आन तो तुमाआं काजे ओत जाये.

तुमू माहूं नाहां निवड़्यू पोन मी तुमुहूं निवड़्येहे आन तुमुहूं नेम्येहे, के तुमू जात कोइत वादार फल लेतावुहूं जोवे आन तुमाआं फल टिकीत रोअहूं जोवे, के तुमू माआं नावसे जो किबी देव आब्हापोअ मागहा, ताहां तो तुमुहूं आपे.

यापरोत वोडी मेर कोड्लीज कायनाहां के कोडो तियाआ दोस्तीइ कोअते जिव आपे.

जे डाली मामेहें होय आन नाहां फलती, तियी हारेक डालीही तो वाडीत टाकेहे; आन जे फलतीही, तियींहीं तो जाअखी फले तेहें काजे सिंदीत टाकेहे.

माआं आदेश ओ होय, के जेहेलीही आंय तुमापोअ मेर कोअयी, तेहेंज कोइत तुमू बी एकमेकापोअ मेर कोआ.

माआं आब्हाअ महिमा याज वाअहीं ओवेहे, के तुमू जाअखीलोहो फल लेतावे, ताहांज तुमू माआं सेला बोणहा.

“खोरो दाराक्शाआ वेलो आंय होय, आन माआं आब्हू जागल्यू होय.

जों मामेहें नाहां रोतो, तों उगाअली डालीइ होस होये; आन एहेली डालीही टोलू कोइत आगीमेहें टाकी देतेहे, आन ते पेटाइत जातिही.

“आंय ए गोठी तुमुहूं याअकाजे कोयीही, के माआं खुसी तुमामेहें रोये, आन तुमाआं खुसी पुरी ओत जाय.

जर तुमू माआं आदेशोहो मानहां, ताहां माआं मेरेमेहें रोहा; जेहलोहो आंय माआं आब्हाआ आदेश मान्युहूं, आन तियाआ मेरेमेहें टिकीत रोहो.

आंय तुमुहूं यीं गोठीइ आदेश आपोहो के तुमू एकमेकापोअ मेर कोअहूं जोवे.

जर तुमू दुन्याअ माहें रोते, ताहां दुन्या तियाआ कोर्‍याअरी मेर कोअती; पोन याअ कोअते के तुमू दुन्याअ नाहां, पोन आंय तुमुहूं दुन्याम रोत निवड़ीत लेदेहे. याआज काजे दुन्या तुमाआं आरी दुस्मोनी कोअहे.