ខគម្ពីរពេញនិយមពី योहान 10

ចែក​រំលែក

बांड कोड्ला बिहीरा कामोअ काजे नाहां, पोन निस्तु सोरी कोइलो आन माइलो आन आरवीइलाअ कोअते आवेहे; आंय याअ काजे आयुहू के तियांहां जिवन मिले, आन खुब वादार मिले.

“हाजू सारवाली आंय होय; हाजू सारवाली मेडाअ कोअते तियाआ जिव आपेहे.

माआं मेडें माआं आवाज उनाअतेहें; आंय तियांहां ओलखोहो, आन तें माआं फासाड़ी फासाड़ी सालतेहें

आन आंय तियांहां हादाजल्म्योंअ जिवन आपोहो. ते केदिहींज ने आरवाय, आन कोडो माआं आथोम रोत ने बुउसे.

बाअणो आंय होय; जर एखो मा वाअहीं मायते फोहे, ताहां तियाहा तारण जोड़े, आन तो मायतेन बारथे आव-जाव कोए आन तियाहा सारु जोड़े.

“हाजू सारवाली आंय होये; आंय माआं मेडाहां ओलखोहो, आन माआं मेडे माहूं ओलखीइतेहें.

माआं आब्हू, जिये तियांहां माहूं आप्येहे, तो आखा रोत वोडु होये, आन कोडोज तियांहां आब्हाआ आथोम रोत बुउसीत नाहां सेकतो. आंयेन आब्हू एक होय.”

जेहें कोइत आब्हू माहूं ओलखेहे आन आंय आब्हाहा ओलखोहो आन आंय माआं मेडाआं काजे माआं जिव आपोहो.

माआं जिव कोडो बी मापोअ रोत नाहां बुउसीइतो, पोन आंय सोताहा माआं इश्शा वाअहीं तो आपोहो. माहूं तो आपीइलोअ बी आधिकार होय, आन फाशुउ लेअलोअ बी आधिकार होये. ओ आदेश माहूं माआं आब्हापोअ रोत जोड़्युहू.”

ताहरुउ ईसु तियांहां फाशुउ कोयो, “आंय तुमुहूं खोरीज कोहो, मेडाअ बाअणो आंय होय.

पावर जो नाहां सारवाली होय आन नाहां मेडाअ मालिख होय, कोलवाहा आवत्लाहा देखीत मेडाहां सोड़ीत कोइत नाहींत जाहे; आन कोल्वू तियांहां तोइत आरजा-बुरजी कोई देहे.

ईसु कोयो, “आंय तुमुहूं खोरीज कोहो के जो कोडो बाअणाअहें रोत मेडाअ वाड़गामेहें नाहां फोहतो, पोन बिहीरीज वाटे रोत फोहेहे, तों बांड आन डाखू होय.