ខគម្ពីរពេញនិយមពី John 15

ចែក​រំលែក

Ih au kubebang, nnui au pekiakdung lie. Mina keheibe de ada kelame nah Ih peda kelame, pa petsi bui kiee süt lula, kedanemene acu si mai nnui magede teigai lak lu.

Ada ket tei bamlu, nah Ih nnuida bamzie. Pekiak be kubebang ga bam lu mecai pekatei petsi builu la kemak nzwa, nnuide ada bam lu mecai, nnuide petsi bui gailak.

Nnui ada bamlu cai, nah magade a samdung nnui lungga bamlu cai, nnui suibe makeheibe kielu, nah cide nnui ziemne tei beuzie.

Nnui acu kedet luma, dede Ih ne nnuide kedetlu nah nnuide kelanglu iciu eh petsi bam tielu kelabe nnui mie delwe petsi bui sütlu kerane. Aide au iciu lude makeheibe de Peibe dade a zi gade nnui kie de, pa cide nnuide peu zie.

Migede keku kedi aide swa galie, pa pezangme ziemne pe teilung kai beu kecu.

Ada kebam pe kiak petsi builu kemak leune, pa cide teigi dila; nah pekiak petsi builu kela leune, pa cide teimci beula iciu eh cide petsi bui kieelu kerane.

A aja au aide da, nnui hangge ge de ku lulo kecu Ih nnuide keku nzwa.

Nnui tsibui kieesi kelu gade, a Pei au ndulu aide gade nah nnui a caisuimedung teilu zie.

Ih kubebang kesangbe, nah a Pei hegurie keteibe.

Magade keheibe de ada bamlu mecai, pecu kelien gidi la pekiak kidi kela ge nzwa, nah penui pekiakdung hekwalu nah cidungde mi gage kelien gaidi la, nah cidungde rudi la.

Ih ma aidungde nnui dage ranggai lie iciu eh a suikeyi de nnuida bamlu kerane nah iciu eh nnui suiyi canglu kera ziemne.

Nnui a sam kai kebeudung de mzailu cai, nnui a keku ga bam luzie, Ih a Pei sam kai kebeudungde mzai eh nah pe keku ga bamlu kecunzwa.

Ih ma aidungde nnui dage kai beula, iciu de nnui hangge ge de hunglu kerane.

Nnui kideube gu lie cai, kideube pekatei pe gume de nzwa nnuide hung luzie. Dede nnui au kideube gu kemakne nah Ih nnuide kideu gade kedet mpetlu, aide ziemne, kideube nnuide ngkaula.