ខគម្ពីរពេញនិយមពី Kendeu 17

ចែក​រំលែក

Abram mmi riakhekuiehekui di ge, RAMPAUBE pecu peu ngau gai nah pe dade rangdi, “Ih au Kengkieng Tinggwang. Adwa ga tet lu, nah kemzuibe teilu.

N zi Abram si lakta, dede Abraham dizie da, kedanemene Ih ncu heleuh kekiee ge pei tei kera kedetlu delu.

Ih anai kakga nah n cai n leuhme dage, nah penui ceheudung leune ga bam mui kela samkak kelu a samkak de kaipwa la zie, n Tinggwang kera nah n cai n leuhmedung lungh gwang kerame Tinggwang kera.

“A ziemne au, ainie, a samkak de n da la. Nang heleuh kekiee ge pei tei zie.

Tinggwang rangdi, “Lak, dede n nau Sarah ncu mipeina ge mnabeu zie, nah nang pe zi Isaac msiak maisia. Ih pe dage a samkakkelu kaipwa lazie pe cai pe leuhme de kelungta samkakkelu ge eh.

Nang lungh kebam deu de Ih ncu nah n cai n leuhme lungh gwang kerame de peu zie, Canaan deu pelane de kelungta nnui gu tei kera, nah Ih penui Tinggwang zie.”

Pecai Abraham keumie pe zu hangdeu tung lu eh nuidi, nah pe lung gade rangdi, “Mige mmi hai kedi ge da hena ge de lungh lubui ni? Dainzwa Sarah, pa mmi riakhekui kedi caine pe na lungh lu lai no?”

Tinggwang Abraham dage rangdi, “Dede n nau Sarai de, Sarai lie qu si tadi lu. Meliene, pe zi Sarah dizie.

Nang n pumteih geutün ga hegeurum lu maisia, nah aide anai kakga samkakkelu zasi de keulia la luzie.

Dede Ih Isaac de ngngwa a samkakkelu de kaizeu zie, pecu Sarah ne ngkikum aipau hi dau ncu mna beu zie.”

Nnui kakga mipeina keheibe de de pa lang heset ne dide hegeurum bi lu maisia, n minadung ceheudung leune ga. Aide n kilung gade mna kelube nah sangme keheibe dade nnui leuhme kemakme gede rangkang le luilu kelube de de si zie. N kilung gade mna kelu keheibe de nah n rangkang le lui kelu keheibe de hegeurum bi maisia. Ciu eh a samkakkelu de n teih ga kelungta samkakkelu ge zie.