ខគម្ពីរពេញនិយមពី Kendeu 1

ចែក​រំលែក

Tinggwang rangdi, “Anui mina anui nzwa, nah anui rehi nzwa tei cugo. Peu penuide jaaidi ga heka, ting ga nruinedung, kideu pelane ga kauruine, nah makaune bwa kela pelane reu peu kengkieng teu zie.” Tinggwang mina de Pe rehi nzwa damgai. Pa pe rehi nzwa pecu damgai. Pa penaide mipei nah mipui damgai.

Pecai Tinggwang penaide samlam beu nah penai dage ranggai, “Hena kekiee lungh lu, nah lungh hinglu. Kideube ga puilu, nah cide gumlu. Jaaidi ga hekadung reu, ting ga nruinedung reu, nah kideu reu ga mlai kela kauring pelane reu kengkieng bamlu.”

Kendeu dau, Tinggwang tinggimdung nah kideu damgai.

Dui kecok de reu kemui ne puibam. Nah kideube pe rehi gah nah mtamrwa. Tinggwang Rabe duidung reu ga nlai eh bam.

Tinggwang rangdi, “Peu kebaa petlu,” nah kebaa de petlu.

Tinggwang pa tei kelu leune de ngaulu. Ainie, cide yi sütdi. Cidau tinghegi canggwangdi nah tingcang gwanglu, cide lang peherokbe.

Tinggwang kebaa ngaulu, nah cide pesuilu. Pa kemui gade kebaa de keutsamdi.

Pecai Tinggwang rangdi, “Pielo, Ih nnaide mabang petsi leu petlu kela leune, nah tsingbang petsi leu petlu kela leune kideu peu reu pelane ga kebam peu dida. Cidungde nnai ziemne ketyeipok zie.

Tinggwang kebaa zi mtakpwa “tingba” qulu nah pa kemui de de “tingmui” qulu. Tinghegi canggwangdi nah tingcang gwanglu, cide raitu benai.

Tinggwang rangdi, “Peu duidung kakga tingkam ge bam lu, nah peu cide de duidung de duidung gade nzi ntsam dilu.”

Kideu ga renaam kaune pelane, nruine tinggimdung ga kebam leune, nah kideu ga bwakela leune, nah kering cuingi kebam kau leune de Ih cehei kendiak bang leune taktyei tei kera peu dida.” Cide cinzwa lu.

Tinggwang rangdi, “Peu ting gade kebaadung pet eh kemui gade kebaa keutsam dilu, nah peu kebaadung de de tingbaziedung, tingkumdung, nah renet ngyidung bangdwa daidau bi kecu keulialu.

Tinggwang rangdi, “Peu kideube de cehei kendiak lung pet lulo: mabangdung petsi peleu builu kelabe nah matsi bangdung petsi builu kelabe, peleu petsi ga kebambe, ket ket kecu pa kenzwabe riep gade.” Cide cinzwa lu.

Tinggwang tingkam teilu, nah duidung tingkam kangle kebam de gade duidung tingkam reule kebam de keutsamdi. Cide cinzwa lu.

Nah kideube cehei kendiak lung pet lu, mabangdung pa kenzwabe peleu petsi builu kelabe, nah tsingbangdung pa kenzwabe petsi builukela, peleu petsi ga kebambe. Tinggwang cide ngau pesuilu.

Tinggwang kebaadung diki kecu kena teilu, tingba dau baa kera tingnaimiak nah tingmui dau baa kera hekei. Pa hekei hegidung de teilu.

Cipaucai Tinggwang rangdi, “Ting kangga duidung kebam de de peu heni ge ga gwang ngkwa dilu, nah peu kecang deu petlu.” Cide cinzwa lu. Tinggwang kecang deu dede “kideu” lie qulu, nah pa duidung gwang ngkwa kelu de de “jaaididung” lie qulu. Pa cide ngau pwa pe suilu

Tinggwang penui de samlam beu, eh ranggai, “Hing nah kieepetlu, nah jaaididung ga duidung puilu. Peu nruinedung kideu ga kieepetlu.”

Pecai Tinggwang rangdi, “Peu kideube de ring kela makaune ketsamtsam hingpet lu, ket ket kecu pa kenzwabe riep gade, kauruine, bwakela kaudung, nah kideu ga renaam kaunedung ket ket kecu pa kenzwabe riep gade.” Cide cinzwa lu.

Tinggwang rangdi, “Peu ring kela makaunedung ketsamtsam kekiee de le duidung puilu, nah peu nruinedung de kideu reu ting tingkam ga lim lulo.”

Tinggwang kideu ga renaam kaunedung ci kenzwabedung, kauruine, nah hangdeu reu ga bwakela kau leune penui kenzwadung teilu. Pa cide ngau pesuilu.