ខគម្ពីរពេញនិយមពី Proverbs 3

ចែក​រំលែក

Mwidumbili Bambu Chapanga waku kwa ndima yaku yosi. Kotoo kuyidumbila luhala lwaku umweni. Umwiholi Bambu kwa findu fyosi fiwugola, na mweni daholoshi deha shaku.

Kotoo kwihola kucha umweni kuna luhunja, mtundamili Bambu Chapanga na kwilyepa na wafu.

Wumutundamili Bambu Chapanga waku kwa mali shaku, na kwa fivelekwa fyaku fya kwaa kufuma muchitava chaku. Pawugola nahawu sanja shaku dasimemi fivelekwa, na ngwangu shaku dasimemi difwayi ya shonu.

Kotoo kwisegha na ujumilwa na unakaka. Fiwopiwi mungulu yaku, na ufiyandiki mundima yaku.

Mwana wangu, kotoo kubedala pakukayika Bambu Chapanga, wala kotoo kukalala pakulakalila Nongwa Bambu Chapanga akumkayika yula yamtamili, kucha tati pamkayika mwana mundu yamtamili.

Mwana wangu kotoo kwivasuwa ng'ulilu yangu, topi kamuli findikulayilili kwa ndima yaku yosi. Findikuwulili dafikugoli wiyikali myaka yitangalili na ngalilu ya kusika na ya nyanyi munu.

Ngiba mundu yula yavelili na luhunja, na mundu yavelili na umanyi. Nongwa luhunja lunofu pitu madini va mbiya, lukukugola wuvi mlundamali pitu chumang'andu. Luhunja lutalama pitu lubi, kwahela chindu chiwudobukela yichiwesha kwifwana na luhunja.

Wumtangi mundu yadayila kutangiwa, leki pawuwesha kugola naha.

Bambu Chapanga alumbili mlima kwa luhunja lwaki, na alumbili lulanga kwa luhala lwaki.