ខគម្ពីរពេញនិយមពី MRK - NUMANA 13

ចែក​រំលែក

Aneshir bɔbɔk atei kyak zhin ne atu amuŋ, ama waŋ ndi ate kli mgbamgbaŋ atei yik ta zhɔk.

Izhin bǝ sɔŋ shur ayi! te na sɔŋ tsitsir! Inuŋ ba ne zhi mkpaŋa ba.

Ate yi ndi ate vu zhin te gar amkpa ane te ambuk, kǝr asusun amin abɛ cɔk ala ne atu ayi iki yiŋɛ ndi izhin tei blai ba. Izhin bǝ bla iki yiŋ ndi ne nyɛ zhin ne mkpaŋa, te bai izhineba lɛ ba ayi Izhu Tsetser.

Igbarshu ben igɔŋmimi tei gayir, ama ilɛ muŋ ba tei gayir ba.

<<Ba nuŋ ndi ne zhi iber ben mkpaŋa ba, ben abɛ shar Arik ne Gbarshu, ka ayi Izu maa, ama anak ayi Tetɛɛ wa ankyak.

Izhin tei wɔ lɛ kɛ ikum ben lǝlɛ yi kum, kǝr asusun amin abɛ lu aklɛ ba. Ikiki yiŋɛ itei na, ama iklɛtu ba ne zen nyɛ ba.

<<Neme izhin bǝ sɔŋ shur ayi te ba nuŋ ne zhi mkpaŋ keŋ ndi iner ne kɔb atei nyak ba, ka ayi amgbalu, ka ayi atsutsu bu, ka ayi mkpaŋ kɛ tuk agbak, ka amblimblɛ. Ate nyɛ kpakar, kǝr izhin bǝ duŋɔ anyɛ yik zhin kukur na ba. Iki yiŋ ndi mbla zhin, mbla kɔte ŋɔwa: <Sɔŋ shur zhin ayi!>>>

Ntun tei wɔb ntun ne akla, atum atei wɔb atum ne akla. Mimi tei jaŋ ne mkpemkpa tetɛk, ijɔŋ tei te. Waŋa ayi ndi iyah iyi kuti ne ŋli.

Ama atei kuti adu lɛ didik ne ntuntun bɔbɔk ne liŋ.

Aner tetɛk atei nyɛ ne sak muŋ, te di, <Aba ayi nga,> Te lɔm aneshir tetɛk.

Izhin bǝ nak sɔŋ shur ayi. atei gli zhin te gar amkpa ane te ambuk ne akaba. Nǝ atu muŋ atei gli zhin te gar bǝn gomnoni ben atum te zhin bǝ bla ikinuŋ ne atu muŋ ne ti men.

Te kristi abɛ mu ben abɛ bla shar yi Arik abɛ mu atei muŋ aru te na ikiki sak ŋɔk ne anu te bǝ lum abaŋ ndi ne hria ba, te yi ndi tei te.

<<Ama ne bɛr yuŋɔ, ne iyah ndi ne yige, <<<Arik ba tei laŋ ba, Ihwa ba tei na laŋ ba; Icinces tei zhaku rɛ gbarshu, Ikiki yi gbarshu itei jaŋ.>