ខគម្ពីរពេញនិយមពី Yohana 6

ចែក​រំលែក

Yesu ekavaba, “Ani niu viaghu vya uzime. Eneniliaha ani tekakoie kela neri, nahu enidarisha tekakoiye kasu neri.

Swaho wa Kiumbi niu egera uzime, msa teumuru kuboi kigi kwa u kuu bi. Viome nimubaie niu viboi mukhwa na Saa wa Kiumbi emuo na uzime.

Musinyamarikie viaghu vionika, munyamarike kwa viaghu vinefufu maaze makhabuna. Ka niu viaghu Muinyi enemuo kwaite Kiumbi Aba aaija ite ani niu.”

Kwaite kigi Aba edumu niya, kira emuaho Muinyi ekumdarisha akhwa na uzime wa maaze makhabuna. Na ani ninemkaa kuli he kigame he muaze wa mkhito wa idi.”

Yesu ekavaba, “Ya niu nyamalo Kiumbi edumu muiboi niu ya, kumdarisha hu emsughaye.”

Hu vakhabuna Aba enio venelita hagho, neri muhe muwe eneniliaha sikambibi

Simoni Petro ekamba, “Dilao, tuneso hakweji? Ari ulo viome vituo uzime wa maaze makhabuna.

Ani niu viaghu vya uzime vidimie kuli ana he Kiumbi. Muhe enevia ya viaghu enefufu maaze khabuna. Viaghu ninemuo ni msa gho, niugu kwa mburi ya uzime wa vahe va idi.

Tehelo muhe emuru kulita hagha, Aba enisughaye ekusaamgera hagho, naho ani ninemkaa ka muhe kuli he kigame muaze wa mkhito wa idi.

Kwaite viaghu vya Kiumbi emuo nihu edimi kuli ana he Kiumbi na kuvao vahe va idi uzime wa maaze makhabuna.”

Ani niu viaghu vya uzime.

Yesu ekadori hu mikate, ekamuaresi Kiumbi, ekavakhakhaya vahe veezokhodie; ekaboi watoto nahu samaki, kira muhe ekasiki sakigi edumuye. Vahe vareakhu, Yesu ekavaba vahina kuu, “Dodolini ka vikhao vimerisie, hasilakha neri kiwe.”

Vahina vareakhwa vesoe na mashua uda urahe kilomita koi hile tizu, vekamuakho Yesu ekudaha ana he mai, naho ekulita sina na mashua, vekabughenusha. Mira Yesu ekavaba, “Niani musibugheno!”