ខគម្ពីរពេញនិយមពី Yohana 17

ចែក​រំលែក

Ningukuluwa uwagholi kuwela wandu ghako chakaka, kuuchakaka ghako, kwaikiva lilando lyako ndiwa chakaka.

Hau ndiwa ukomu wa machuwa hyogha bila mwihu, yiwa wakumanyi wenga ni Sapanga wa chakaka wa weka na kummanya Yesu Kilisito yula umyeghili.

“Ninguwaluwila ng'ogha hagha wavulwa weka yau, ila ninguwayupila hilahila na wala wogha watenikwinila kupitila lila wateyughanila kuhuma kwa hagha wavulwa.” Ninguyupa hagha wogha waweli kindu kimonga. Tati ningukuyupa hagha wogha waweli mghati mwa twenga handa wenga vila uwela mghati gha nenga na nenga mghati gha wenga. Ninguluwa waweli kindu kimonga ili wandu wa mlima wogha upati kumanya yiwa wenga ndiwa unilaghilili.

Nenga ninguluwa ng'ogha uwahumisi kumlimawogha ila uwagholokeli ili wakotoho kusindwa na yula mhakata.

Ukulu hula unipeghili na nenga niwapegha weni, ili waweli kindu kimonga handa twenga vila tuwela mmonga. Nenga niweli mghati mwa weni na wenga mghati gha nenga, ninguluwa watimiliswi waweli watimila kwa kuwela kindu kumonga, ili mlima wogha upati kumanya yiwa wenga ndiwa unilaghilili, na unguwapala weni handa ungunipala nenga.