ខគម្ពីរពេញនិយមពី Ichedendik 39

ចែក​រំលែក

Masẹ Josẹph urukhu ọttạra aro kwẹ k'Ijip, wa Ọvaar Ubinọkpaabyi uning abẹ, ọbạra udi-ẹ k'idik phyibh.

Ma wọ, udik kw'uwa ọbạra ọyọhnọ Pọtipha ettem kode, oyonga uchiattọhk pfẹ m'uchi, s'kk'idik sidede ọbọhk uttia ọnạng Josẹph. Josẹph wa ujibhi idikkobh, ọbạra ufu k'ifor bẹ, gbạng.

Osenga ma, usi Josẹph odecho kw'agbakkọhbhọ phyibh, ọbạra ọnạng-ẹ ẹfa otena k'udik kwidede kw'abẹ m'asi ma ọgbakkọhbhọ-ter.

Ma wọ, ọnạngẹ ẹfa bẹ, abẹ age Josẹph mgbakkọhbhọ k'ọgbakkọhbhọ-ter kw'abẹ akpạk agbakkọhbhọ p'ọvaar Phero. Okhenka, masẹ Josẹph uning ma ọgbakkọhbhọ-ter, wa Ọvaar Ubinọkpaabyi uning Josẹph abẹ, ọkkaan-ẹ, ọnạng-ẹ ọphyaam k'ititikha s'ocho kw'anạng p'n'akkeri agbakkọhbhọ.

K'okpe ma, ikwanạng kw'aro kwẹ ọtạm Josẹph adạdaakha-chen kạkkeri, ukwu oben-ẹ bẹ́, “Kw'ayim-m abẹ kadẹ o!” Josẹph ufhum, oben ikwanạng kw'aro kwẹ bẹ, “Mma e, aro kwaam kk'ẹchọhmfhạr chẹ phyibh ọbọhk uttia ọnạng-m bẹ́, nkkeri. Udik gwạnọ-gwạnọ kw'ọbạra ọkpaakh-m dạk kóde. Ọnạng ọdwạkh-ọdwạk kw'ọkhaam ẹfa ọyọhnga amma ma ọchọhm ngwa kóde. Aro kwaam khaam ọttọhk vunọ-vunọ nọrạma, oyonga ọma, ukwuru bẹ, ade ikwanạng kwẹ. Amma m'nsi yạn nsi igbaan demasẹ nna, mpyibh k'ititikha s'Ubinọkpaabyi o?”

K'iwu mạnna jạnẹ, Josẹph ofon bẹ́, ọta usi ọtọhm pfẹ k'ọchọhm kw'aro kwẹ. Ma iwu njọ, wa ọtohmnạng ọdwạkh-ọdwạk k'ọchọhm ẹtaanga kode. Ikwanạng kw'Pọtifa ọvạkha Josẹph k'ẹvạrakpa ch'ọpabh, ọbẹ, “Kwu ayima abamẹ!” Okhenka, Josẹph otte ọnọhma kwẹ ọbọhk ọnạng-ẹ, ọrạbh uyin k'iyaan.