ខគម្ពីរពេញនិយមពី मर्कुस 6

ចែក​រំលែក

होकाम येसुये नोरंलाई, “जे पनि ङासं गराच्योके, टोबोकं मीरं मालेव पोयालं नाडे जामा जेना:सिके” वार्डे हैओडोवर। कडालेकं आडे होडे बाने मीरं बनै भ्या लेवरं, हैजैडे नोरं काङ ज़्याने पनि यामढाज़्याव।

येसुये नोरंलाई हैओडोवरं, “अगमबक्तालाई ओडेसलं, ओभाइरं सोनो उज़ी:मला मीराई मान्त्रा ओमान माडाड्योरं, उरुकाराई के ओमानज़ डाड्योरं।”

येसु डोङ्गा टाम उझरिवपानाज़ बनै भ्या माहुले मीरं यालिज़्याव ओरो:ङोरं, नो मीरंलाई याग्वाला मालेव भेडारं मान्टिव ओरो:ङोरं, होकाम बनै उयुङ नाडे येसुये नो मीरंलाई बनै भ्या रो:रं ओपोयोरं।

हैजैडे नलं येसुये टोबो नेम्लो याजोरो राव मीरंलाई याक्याङटं उकुइये छुडे ओससोमोरंकाम, उरु कडि सक्तिला ये:न पनि माडोडुवये। नोराई बिस्वास याम्डोव र:ङडे येसु बनै अचम्बज़ ओटाव। होकाम येसुये उरु नाङखार‒नाङखारयालं नाडे परमेस्वरलो ओबचन ओपैनावरं।

येसुये नो पाँस गोटा बरे सोनो नेभऱ्याङ ङा: छेन्डे स्वर्गडे र:ङडे आसिक ओयोव, होकाम बरे ओके:व, आव मीराई याङा:-याङा:कं नैड्याच्योरं वार्डे उसिसरंलाई ओयोवरं, नो नेभऱ्याङ ङा: पनि स्यान्टैलाई भाडे ओयोवरं। स्यान्टैरं ज़्याडे यावा:ङो। होकाम येसुलो उसिसराई ये:लो बरे सोनो ङा:लो उकुत्रारं बार फुङ्गा याडुपो।