ខគម្ពីរពេញនិយមពី मर्कुस 16

ចែក​រំលែក

येसुये नोरंलाई हैओडोवरं, “जे प्रिठीबीला स्यान्टै पोलं नाडे परमेस्वरये उसिर्जोयो स्यान्टै मीरंलाई चाव सोर सठैच्योरं।

बिस्वास डोनेरासं ऐटाव चिन्नरं टानेले येसुलो उमिन्ट ज़्या:र सोढोङने लेरं, होसोनो नोरं सा:रौ पाङ पनि पाङने लेरं। नोराई गुलरं क्यो:नेलेरं होसोनो सिने वासं याज़ोनि पनि नोरं कैज़ टाने मालेरं। नोराई ठलिव मीराई याक्याङटं याकुई नैने लेरं, होकाम नोरं सम्ने लेरं।”

बिस्वास डोनेरं सोनो बप्तिस्मा टानेरं, पापलाम बान्चिनेलेरं। बुरु बिस्वास माडोनेरं डोसि ठहरिडे सजै डैने लेरं।

उसिसराई आव रो: चारकोना यासठोयो। नोराई आव ये:न याडोकं प्रभुये पनि ओगयोरं। होकाम चिन्नरं सटन्डे प्रभुलो ओपाङलाई अजं पक्का याझोयो।

हो ढापा मीये नोरंलाई हैओडोवरं, “अचम्ब टाटाच्यो, जे क्रुसटं टाङगिडे यासोयो नासरतला येसुलाई जिखिम्ज़्याव माङ्क डोरो। नो के सिवलाम ज्युङडा याटाडु, आलं माले। नोलाई यानोयो पोलं गर:ङरिच्योके।

नोराई याडे यार:ङकं खाडर कप्सिव लुङ फैसिव उलिज़्याव यारो:ङो नो लुङ बनै घ्योव लेव। नोरं खाडर लेवकं यानाकं टकटकपलाङो खेव क्वा क्वाइसिव टोबो ढापा मीलाई खाडरकाम वो:रडे चुङडे उलिज़्याव यारो:ङो, नेटानाव र:ङडे नोरं बनै छक्क याटाव।