ខគម្ពីរពេញនិយមពី मत्ती 19

ចែក​រំលែក

येसुये होरं लेवडे र:ङडे हैओडोवरं, “मीराई यालागिटं आव सजालो माले हैनि पनि परमेस्वरलो ओलागिटं आव सजालो ले।”

नोनि आबो नेबऱ्याङ माङ्क, टोबो ज्यु टानिये। आव कारनयेज़ परमेस्वरये जोरंलाई ज्यारि झैडे नोयोरं, होरंलाई काङ्का मीराई पनि टाभारंकं।”

येसुये हैओडोवर, “जे सास्त्रटं जिपरिव माले? सिर्जैनेये नोरंलाई सुरुलामज़ खेपा मेमा ओझोयोरं। होकाम येसुये हैओडोवर, ‘ऐझैडेज़ खेपाये ओबाबु वामालाई रा:डे ओज्यासं मिलिडे लेये, होकाम नो नेबऱ्याङ टोबो ज्यु टानेलेनि।’

हैटानि पनि येसुये हैओडोवरं, “बाल्खरंलाई ङालेवकं राव याच्योरं, नोरंलाई टावोङच्योरं। कडालेकं स्वर्गटा राज्या ऐटावराईज़ ची।”

हैनि पनि भ्या मीरं जोरं ङा:ङ लेरं होरं झिन्ङ टानेलेरं होकाम झिन्ङ लेनेरं ङा:ङ टानेलेरं।”

जो-जोये ङामिन्ट उज़ी:म, ओडाज्यु ओभाइरं, ओनाना ओबैनीरं, ओबाबु वामारं, ओज्या, ओज़ारं ओजगा जमिन रा:वये, होये सय गुना डैनेले, होकाम खर्कज़ मासिने जीबनलो अढिकार डैनेले।

येसुये हो मीलाई हैओडोव, “नङ पक्का परमेस्वरलो उयुङ्का टाने इछ्या नोडोखे भने, नङसं लिज़्याव स्यान्टै येडे गरिबरंलाई योरं, होकाम नङ स्वर्गटं ढन डैने नले, होकाम नङ ङाछिन्ट राङन।”

येसुये होलाई हैओडोव, “चाव कडि वार्डे ङालाई कडाने नपजैसङ्ज़्याव? चाव टोबोयाज़ ले। हैनि पनि नङ खर्कज़ मासिने जीबंन डैने इछ्या यालेखे भने, आग्यारं मानि।”

फरि ङा जेलाई हैङाडाच्यो, ढनी मी परमेस्वरलो ओराज्यलं पसिने भन्डा के बुरु उँटलाई गपलो उकुङलं पसिने सजालो टानेले।”

ङा जेलाई हैङाडाच्यो, जोये ओज्याये ब्यभिचार ओडोव कारन बाहेक ओज्यालाई रा:डे छुटं मेमासं बिहेँ डोव होये पनि ब्यभिचार ओडोव टाये। होकाम जोये रा:सिव मेमासं बिहेँ डोव होये पनि ब्यभिचार ओडोव टाये।”

होकाम येसुये उसिसरंलाई हैओडोवरं, “डस्साज़ ङा जेलाई हैङाडाच्यो, स्वर्गटा राज्यालं ढनी मी नाने ढौ टानेले।