ខគម្ពីរពេញនិយមពី लुका 21

ចែក​រំលែក

हैनि पनि आव रारिज़्याव स्यान्टै रो:टाम हाइसिने सोनो मानवालो ओज़ालो ओङा:कं नानेलागिटं तयार टाने एक्सप्ड्या प्रार्ठना डाडे जागा लेच्यो।”

“हैनि पनि जे जेलागिटं होस्यार लेच्यो। मानि मोज मजाक, म:ङडे लेने, सोनो जेजीबनला चीन्ताये जियुङ बलेड्याच्योवके होकाम जेलाई नो डिन अम्ल्याङसानि माहाला मान्टि राके।

जे माआत्तिडे जेलेवये जेपोहोन बान्चीनेले।

कडालेकं ङा जेलाई ऐटाव पाङने या: सोनो बुड्डी यानेङाले, जिबिरोडला पाङनेरं जेरो:लो ओजबाक याडुने मालेरं होसोनो जेपाङो रो:लो ओबात्रा पनि डोडुने मालेरं।

नमर नामरं नास टाडे नानेलेरं, हैनि पनि ङापाङ खर्क पनि नास टाने माले।

“नीमी, स्यावै सोनो सोरोयालं चिन्नरं र:न्नेले होकाम समन्डरलो ओगा सोनो ओछल्काराई प्रिठीबीला स्यान्टै डेसरं अप्ठारोलं परिडे आत्तिने लेरं। सङसारला टारिज़्याव घटनालो सङ्खा डैडे मीरं याछ्यासैये याचेटं मा:नेले, कडालेकं नम्टा सक्तिर खल्बलिने लेरं। होकाम मानवालो ओज़ालाई सक्ति सोनो घ्योव ओमहिमासं बाडलट ओराज़्याव नोराई र:ङनेलेरं।

ङालाई जिपुगारिसोङो कारनये जेलाई स्यान्टै मीराई घिनैने लेरं।

घ्यो-घ्योव भुम्चालरं नानेले। कोइ-कोइ पोयालं अनिकाल सोनो घ्यो-घ्योव रोगोये मीरं बनै सिनेलेरं, चब्बनै छे-छेङप्सिव टानेले, होकाम नमटं बडा-बडाघ्योव चिन्नरं र:न्नेलेरं।”

जब जे लराई ओटाव सोनो चाव माचाव रो:रं ठैनेजेले हो बेलाकं टाछेच्यो, कडालेकं ङा:डे ऐटाव घटनारं टानेज़ले, हैनि पनि होपान्त्राज़ समंय खेम्ने माले।” होकाम येसुये नोरंलाई हैओडोवरं, “डेस डेसलो उबिरोडलं सोनो राज्य राज्यलो उबिरोडलं च्याङसिनेले।

“नीमी, स्यावै सोनो सोरोयालं चिन्नरं र:न्नेले होकाम समन्डरलो ओगा सोनो ओछल्काराई प्रिठीबीला स्यान्टै डेसरं अप्ठारोलं परिडे आत्तिने लेरं। सङसारला टारिज़्याव घटनालो सङ्खा डैडे मीरं याछ्यासैये याचेटं मा:नेले, कडालेकं नम्टा सक्तिर खल्बलिने लेरं।

होकाम येसुये नोरंलाई हैओडोवरं, “डेस डेसलो उबिरोडलं सोनो राज्य राज्यलो उबिरोडलं च्याङसिनेले।

येसुये हैओडोवरं, “होस्यार लेच्यो, जेलाई काङ्काराई पनि जियुङ टाबलेड्याच्योरंकं। ङामीन्ट भ्याबिछोरं ‘ङा येसुज़’ होकाम ‘बेला नजिकं राडेले,’ वार्डे हैवार्रये। नोराई याछिन्ट जे टाबारिच्यो।