ខគម្ពីរពេញនិយមពី लुका 17

ចែក​រំលែក

होकाम येसुये होलाई हैओडोव, “गच्याङसिनके होकाम नयेम्डे गनानके। नबिस्वासये नङलाई ससम्डे नैसोनो।”

नभाइये नबिरोडलं टछाटंज़ सात पाला पाप याडोव, होकाम सात पालाज़ वोल्डे राडे ओपापलाम यावोल्खे भने नङ नोलाई छेमा डो।”

नोरंलाम टोबोये ओल ओसोमो रो: ओसोनो होकाम कस्सि-कस्सि कि:डे परमेस्वरलो ओप्रसन्सा डोये डोये वोल्डे ओराव, होकाम येसुलाई ढन्याबाड याडे ओखङटाम ढो ओडोव, नो मी टोबो सामरी लेव।

जेलागिटं होस्यार लेच्यो। “नभाइये अपराड याडोवखे भने नोलाई हक्लै, होकाम नो ओपापलाम यावोल्खे भने नोलाई छेमा यो।

येसुये हैओवारो, “होकाम सोमोरं डस जनारं माङ्क डोरो? उरु नौ जनारं कान्डे यानाव?

प्रभुये हैओडोवरं, “जेसं सुरसुङलो ओसै हालेया पनि जिबिस्वास ओलेखिन् के जे आव ह्वैलो उसिङलाई, ‘नङ आकाम चीसीडे समन्डरलं रुपिसिनान’ जेडोखे भने नोये नो जेरो: ठैने ले।”

जोये ओपोहोन जोगैने पानो, हो सिनेले, जो सि, होलो ओपोहोन बान्चीनेले।

येसुये उसिसरंलाई हैओडोवरं, “पाप डोवपरि:ङने परिछ्यारं पक्का पनि रानेलेरं। हैनि पनि बनै घ्योव डुखं रानेले नोमीलाई, जोलो ओकारंनये एटाव परिछ्यारं रानेलेरं! जो मीये आव आलिज़ारंलाम टोबोलाई पाप डोव परि:ङो, नोलो ओढेङलं रान्ठैलो टोबो ओपाता झुन्डैडे समन्डरलं ख्याने नोलो ओलागिटं चाव टाने ले।”

नोआलो ओपालालं जोस्याव ओटाव, मानवालो ओज़ालो ओपालाल पनि हेटावज़ टानेले। नोआ झाँस ज्युङलं उम्पसिया समं मीरं ज़्याने ओँने बेह्याँ डोने याडोज़्याव। होकाम नमं डिम्डे भलं राडे री: बडिडे स्यान्टैलाई नास ओझोयोरं।