ខគម្ពីរពេញនិយមពី युहन्ना 6

ចែក​រំលែក

येसुये नोरंलाई हैओडोवरं, “जीबन याने बरे ङाज़। ङा लेवकं राने करेने माले, होसोनो ङालाई बिस्वास डाने खर्कज़ रि: छोने माले।

जीबन यानेके आत्मा ची, क्याङलो सक्तिके कडिज़ माङ्कची। जो बचन ङा जेसं ङापाङो, नो जीबन सोनो आत्मा ज़।

नास टाने ज़्यावलो लागिटं मेहेनत टाडाच्यो, बुरु खर्कज़ मासिने जीबन समं रहिने ज़्यावलो लागिटं मेहेनत डाच्यो, नो ज़्याव मानवालो ओज़ाये जेलाई याने ले। कडालेकं परमेस्वर बाबुये नोलो ओक्याङटं ओछाप लैडेनैड्योव।”

कडालेकं ङाबाबुलो उइछ्या आवज़, ओज़ालाई र:ङने सोनो नोलाई बिस्वास डाने स्यान्टैये खर्कज़ मासिने जीबन ओडोयोकं, होकाम ङा नोलाई आखिरला डिनलं ज्युङडा झैनेङाले।”

येसुये नोरंलाई हैओडोवरं, “परमेस्वरलो ओये:न आवज़ जोलाई होये उपरि:ङो होलाई बिस्वास डाच्यो।”

बाबुये ङालाई ओयाङोरं भरि स्यान्टै ङा लेवकं रानेलेरं, होकाम ङा लेवकं रानेरंलाई ङा ओजमाज़ रा:ने ङामलेरं।

सिमोन पत्रुसये जबाफ ओयोव, “ए प्रभु गे काङ्का लेवकं नाने? नङसंके खर्कज़ मासिने जीबनलो बचन लिज़्या

स्वर्गटाम झरिडे रा:व ज्युङडा बरे ङाज़। कोइये आव बरे याज़्योव भने नो खर्कज़ सिने माले। होकाम ङा प्रिठीबीलाई याने ङावार्ज़्याव बरे, ङाक्याङज़, ऐझैडे प्रिठीबीये जीबन गोडोयोकं वार्डे ङा ङाक्याङ यानेङाले।”

ङालाई परि:ङने बाबुये ङालेवङं राने युङ मायोवरंखे भने काङ्का पनि ङा लेवकं माराडु, होकाम ङा लेवङ रानेरंलाई आखिरला डिनलं ज्युङडा झैने ङाले।

कडालेकं परमेस्वरलो ओबरे नोज़, जो स्वर्गटाम झरिडे राये, होकाम प्रिठीबीलाई जीबन योवये।”

जीबन याने बरे ङाज़।

होकाम येसुये बरे रैडे, परमेस्वरलाई ढन्याबाड ओयोव झिन्डे चुङोरंलाई भाडे ओयोवरं, होकाम हैजैडेज़ ङा: पनि भाडे ओयोवरं। नोराई याज़्योडुने भरिज़ याज़्योव। होकाम नोरं ज़्याडे यावा:ङरं, येसुये उसिसरंलाई हैओडोवरं, “ये:लो कुत्रारं गुडुपच्योके, नो खेर टानाकं।”

पाँस छ किलो मिटर डोङ्गा चलैडे यानाव झिन्डे नोराई येसुलाई डहला रि:तर्ट बाडे डोङ्गालो ओछ्योकं ओकेरिव यारो:ङो, होकाम नोरं याछेव। होकाम येसुये नोरंलाई हैओडोवरं, “ङा ची, टाछेच्यो।”