ខគម្ពីរពេញនិយមពី युहन्ना 15

ចែក​រំលែក

“अङ्गुरलो मुल ओलंरा ङाज़ ची, जे के ओहाङ्गारं ची। कोइ ङासं टोबोटं याले भने, होसोनो ङा नोसं टोबोटं ङालेखे भने, नोये भ्या ओसै ससैने ले, कडावार्क ङाकाम भासिडे जे कडि पनि जेम्झैडु।

ङासं टोबोटं लेच्यो, ङा जेसं टोबोटं लेनेङाले। जो स्याव अङ्गुरलो ओहाङ्गा उसिङटं मालेखे भने नो ओहाङ्गाये ओबाठङ ओसै माजाडुव, हो मान्टिज़ जे पनि ङासं जेम्लेखे भने जे पनि जेसै जेम्जाडु।

जे ङासं जेलेखे भने, होसोनो ङापाङो रो:रं जेसं यालेखे भने, जेलाई जो जेइछ्या लागि नि:च्यो, होकाम नो जेलागिटं टानेले।

ङालाई जे जेमरुजिसोङो माङ्कची, ङा जेलाई ङारुजिच्योव ची होकाम जेलाई ङा ङारुजिच्योव, होकाम जे नाडे बनै भ्या सैच्यो, होकाम जेसं नो जेसै एकसप्ड्याज़ ओलेकं हैजैडे जे बाबुसं ङामिनङाम जो जिनि: बाबुये जेलाई हो यानेले।

ओनैराई यालागिटं उज्यु सुम्पिने भन्डा घ्योव मया उरु काङ्कालोज़ माटाये।

ङासं लेने स्यान्टै हाङ्गारं जोये ओसै माजाव होलाई बाबुये पोलोये होसोनो ओसै झाने स्यान्टै हाङ्गारंलाई झन भ्या गसैरंकं वार्डे बाबुये चावसं छान्टिवये।

“ङाआग्या आवज़, ङा जेलाई जोस्याव मया ङाडाच्योव, जे पनि जे-जेज़ होस्याव मया डासिच्यो।

जे भ्या सै सैडे ङासिसरं ची वार्ने प्रमान जेजैखे भने आवटंज़ ङा ङाबाबुलो ओमहिमा टानेले।”

सड्डेका अङ्गुरलो ओलंरा ङाज़ ची, ङाबाबुके किसान ची।

कोइ मी ङासं टोबोटं मालेखे भने, हो नो हाङ्गा मान्टि टाने ले जो पाखाडे मिल्कैसिने ले, होकाम नो ठङ्ये। एटानाव हाङ्गारंलाई मीराई डुपरंये होकाम मे:ल ख्यारंये, होकाम नो चाङडे खेम्ये।

ङा आव रो: जेलाई आव कारनये हैङाडाच्योज़्या, ङा ङाआनन्ड जेसं ओलेकं, होकाम जे जेआनन्ड पुरा ओटाकं।”

होकाम ङाआग्या जेमानिखे भने जे ङामयाटं लेनेजेले, जोस्याव ङा ङाबाबुलो ओआग्या ङामानिज़्या होसोनो ङाबाबुलो ओमयाटंज़ ङालिज़्या।

ङा जेलाई आव आग्या ङायाच्योज़्या, टोबोये छुटंलाई मया डासिच्यो।”

जे आव प्रिठीबीलारं जेटाखिन्के प्रिठीबीला मीराई जेलाई आपना मानिडे मया डाने ओलेव। जे आव प्रिठीबीलारं माङ्कची। जेलाई प्रिठीबीलाम ङा ङारुजिच्योव ची, हैजैडे प्रिठीबीला लेने मीराई जेलाई घिनैच्योरंये।