ខគម្ពីរពេញនិយមពី मर्कुस 13

ចែក​រំលែក

ओटन ङा मिनल कारन जेजन सोगलैले हेलाइ ढास्यु घिनाइचिरा, तर जो छिन्ङै समन सनस्युई लिज्या नकाईजन जोगाइसिया।”

नैताइस्यु जोगाइस्यु लेचिते, सन्सिस्यु चुङचिते, प्रार्थना ढोचिते, दानाङभन्या नका बेला खक रांन्या हो, नका जे मासन्चिदी।

जब रुयाङै जेजन कोलोअस्यु लाङस्यु मुद्दा झोअस्याचिर, तब नै छ्योङन्या होला ऐलेस्यु हादेएज ताआतिच्यो। तर नका बेला जो जेजन यांसि, नकाई छ्योङचिते, दानाङभन्या छ्योङन्या वाला जे माङडी, तर पबित्र आत्माईज लेया।

स्वर्ग सनर पिरथ्बी मास्युहिना, तर ङा बचन खकै मांन्यामाल्दी।”

“तर नका दिन सनर नका बेलाल बारेङन काङ्काईले मासनौदी, सिरिप बौले जाई सन्वा, न त स्वर्गला दुतयाङै न ज़ा ले।

जब जे यिसिन्याङ सनर खप्सिन्याङलं हल्ला थएच्यो तब ताछ्याएच्यो, ऐटाइन्या घटनाङ ताइन्या आबस्यक जै लेया। तर आखिरी दिन रांङाई लिज्याया।

“ऐताइस्यु जे बै होसस लेचिते, दानाङभन्या झिमल खसम ओईक, या आधा रिउल, या भाल्या आकोव बेला या छकाल्या, खक रांन्या हो, ना जे मासन्चिदी। मानकन्ता ना ख्वाएबेला आरांऔक नकाले जेजन जेम्वाइज्यान्या डोएरिइचिवा। जो ङा ऐलेङ, ना सोगलैजन पानस्याच्या, सन्सिज्याचिते।”

दानाङभन्या जातिल बिरोदत जाति, सनर देसलं बिरोदत देस राज्यल बिरोदत राज्य खप्सिरा। सोगल पोल भुईचाल हिनन्यालेया, ओटन अनिकाल ताहा। ईका ता मेएमाङजन जतकाल दुख सुरु आताइरावमन ज्या।”

तर अनत्य ताइङा आलेऊ हादेए सोगलै जातियाङजन चान्याथाई प्रचार ढान्या लेसिया।

तबर रुयाङ ङा मिनत ‘ङा ओइज ज्या’ ऐलेस्यु रारां, ओटन नकाङ तबर रुयाङजन ग्वारस्यु छ्योङरा।

“जे जेबारेल होसस लिज्याचिते, नकाङै जेजन अदालत ज्युउल लाङचिरा। जेजन आराधना झिमजिऊल टुपचिरा। ओटन हाकिमयाङ सनर रययाङल सामन्दी ङा कारनले जेजन गवाइ यांन्याल नाल्ट जेजन सच्यानन्या लेचिरा।”

दानाङभन्या ग्वारवा बिस्वासीयाङ सनर ग्वारवा अगमबक्ताङ च्याङन्या लेरा, ओटन राढुदुउ समन, परमेस्वरले आछेलन्याङजन भरमित जाटौ, नाल्ट नकाङै अचम्मला कामयाङ सनर अचम्मला कामयाङ थनन्यालेरा।

“तर ना दुखल बेला लाअक नम्युउ बै काईकाई चिऊन्या ताहा, ओटन ह्यावएले होएन्या मायौदी, ओटन नमतन हरवएयाङ तेइरा ओटन नमत सक्तियाङ हल्लिरा।