ខគម្ពីរពេញនិយមពី मत्ती 19

ចែក​រំលែក

येशुले नकाङ लेऊदेए ब्याएस्यु ऐआढोवाङ, “रुयाङल नाल्ट ईका असम्भब लेया, तर परमेस्वरलं नाल्ट सोगलै छेन सम्भब लेया।”

नकाने आब नेंलोअ माङडी, तर तोलोअजै बुल ताइन्या। नैताइस्यु परमेस्वरले जोजन बोलोङ आजुरिऊ, नाजन काङ्काई रुले ताछुटाहौत्या।”

तर येशुले ऐआढोवाङ, “नैति जे परीस्यु जेमालेचिऊ, कि स्रिस्टीकर्ताले नकानेजन सुरुतजै ल्हेपा सनर मेएमा आजाटौने, ओटन परमेस्वरले ऐलेऊ, ‘नैताइस्यु रुले आबौ सनर आअमाजन राइस्यु आमेएमास मिलिज्याया, ओटन नका नेंलोअनें तोलोअजै बुल ताइन्यालेन्या।’

तर येशुले ऐआढोवाङ, “लुलल्याङजन ङाल्योङ रांऔ योंचिरते, नकाङजन तारुखिचिर। दानाङभन्या स्वर्गला राज्य ऐटाइन्याङलै ज्या।”

तर जो भ्याई हादेए लेर नकाङ छिन्ट ताइन्यालेरा, ओटन छिनदेए लिज्यान्याङ हादेए ताइन्यालेरा।”

ज्वाएले ङा मिनल कारनले आझिम, आदाज्यूभाई, आदिदीबैना अथाबा बौ या आमा, ज़ायाङ, येङखेए राइस्यु नाटौ, नाले सय गुना डोएन्यालेया, ओटन अनन्त जिबनल अढिकार डोएवा।

येशुले नकाजन ऐआढोव, “नङ परमेस्वरलं सामन्दी चान्या ताहौ रोंकनकन, हिनस्यु नङसं लेन्या सम्पति यएस्यु गरिबयाङजन योंवरते, ओटन रा: स्यु ङा छिन्ट लागिन्ते, ओटन नङ स्वर्गल धन डोएन्यालेना।”

येशुले नकाजन ऐआढोव, “नैति चान्या नाल बारेल दानाङ नङ ङाजन गिनज्याङ? चान्या ता तोलोअ याएजै लेया। तर नङ जिबन डोएन्या यिङ ढोनकन, आग्याङ पालन ढोते।”

फरि ङा जेजन ऐढाच्या, धनी रुयाङजन परमेस्वरलं राज्य भितरलं पसिन्यातन ता बरु ऊटजन व्पल नायलन छिरिन्या सजिलो ताहा।”

ङा जेजन ऐढाच्या, जोले ब्यबिचारल कारन बाहेक आमेएमाजन राइस्यु छुट्टैसं ब्याहा ढोव, नकाले ब्यबिचार ढोवा।”

ओटन येशुले आ सिइयाङजन ऐआढोवाङ, “ङा मछ्यु, जेजन ऐढाच्या, स्वर्गला राज्यल धनी रुयाङजन पसिन्या गारो ताइन्यालेया।