ខគម្ពីរពេញនិយមពី Johane 15

ចែក​រំលែក

“Imi ndin'hhambi, imwi munhabi. Unogala mundili, nami bo ndigala muwunli, ndiye iwhoyo unowhozwala mitjelo minjinji, ngobe kuhhe kwangu akuna tjamungathama.

Galani mundili, nami ndigale mumuli. Sayikoku lutabi gusingake gukazwala mitjelo guli goga, kuhhe kwekuti gugale mun'hhambi, namwibo amungatubule zwala mitjelo, kuhhe kwekuti mugale mundili.”

Hapa mugala mundili, nematama angu egala mumuli, kumbilani kene ini tjamunoyemula, mowhotjithamigwa.

Amuzondihala, koga ndakamuhala kakale ndikamupa n'hingo wekuti muyende muzwala mitjelo nekuti mitjelo yenyu ilondolodzeke, kuyetila kuti tjamunokumbila kunaTate muzina langu, bamupe.

Akuna ludo gukulu kupinda igogu, kuti nhu apile butjilo gugwe ngentha yebakwinya babe.

Gumwe negumwe lutabi gwangu gusingazwale mitjelo, banogutema begudusa, gumwe negumwe lutabi gunozwala mitjelo banogusunulila, kuti guzwale mitjelo minjinji.

Iwhoyu ndiwo nlayo wangu, kuti mudane sekwandakamuda imi.

Nentha yayikoku Tate bangu banokudziwa, kuti mozwala mitjelo minjinji, nayiyeyo zila molakidza kuti mubadiyiwa bangu.

“Imi ndin'hhambi welebeswa, Tate bangu unlimi wemahhambi.

Hapa nhu asingagale mundili, unolahiwa selutabi ekoswaba; nenhabi dzakajalo dzokubunganyiwa, dzikoposegwa mumoto dzipisiwa.

“Ndaleba zwinhu izwezwi kumuli, kuti hanha kwangu kube mumuli, nekuti hanha kwenyu kupelele.

Hapa mutjengeta milayo yangu, mowhogala muludo gwangu, sekwandakatjengeta milayo yaTate bangu ndigala muludo gwabo.”

Iwhoyu ndiwo nlayo wangu. mudane.”

Hapa mamuli behango, hango yayiwhomuda, koga nentha yekuti ndakamuhala ndimudusa muhango, amutjibehango, ndizo hango imuhema.