ខគម្ពីរពេញនិយមពី Roman 1

ចែក​រំលែក

Sobon yomu na zi kumnya pala nabari kyakyawu ni manki Yesu Kiristi mu ba, sobon e shiya ma sori Mirikisi de e sila ni worede su beigeskye, ni pari Yawudawa nja worede su ma Yawudawa ba.

Nabari kyakyawu mu e shiya pelesa yiride Mirikisi sa ntani de su yi zunwa gangasi nja shi: e ma te anya beigaskye dege pari ta karishe. Yiride beta Mirikisi pala nkye, <<Nsude yi zunwa gangasi anya Mirikisi yaman leyi te anya beigaskye.>>

Ko tunde Mirikisi yi durinya, kyakyawu arinya yi ema a boyi ba nja sori yi ni gbogbo, guru sori arinyayi ni Mirikisi, su geni yi ni a ndani su, sua geni te anya mbode Mirikisi yi. Sobon yomu ntani woromu su ma mbodaa de sua pala ba

Su shina Mirikisi, sede sua beyi girima de e ma na yi ba, ko su gbede yi ba, memeko yomu, dishiya asu shina beta Mirikisi ba se mbo Odundu nja dopuwa.

Su juyi gaskye ni Mirikisi ma yaruwa, sua yi bowuta nja biya mbode Mirikisi yi memeko de su biya Mirikisi de yi su, Nsude yobo ni gbogbo ma Na yi emayomu.

Anwashi Mirikisi nana dege bisi a kiya guru nsu lepi nja mungu mbo ni ntani de tengele gaskye de su shina.

Sobon de su yi yomu, Mirikisi la su ma mbo kumnya ni memeri nki. Ko mata su bila kwana nja minjisu su ma kwana nja nkyasu. Yomuna menza du su bila mata sua kwana nja nkyasu, menza sua yi mbo kumnya nja nkyasu, sobon yomu anwashi Mirikisi yaa sonka a kiya asu, de e poro mbo mumungu de su yi. Sobon ntani su ki sa dishiya a siki gaskye ni shina Mirikisi, Mirikisi sa su de su yi mbo mumungu a dishiya asu, de su yi mbode yi kyawu de su yi ba.

Su nkye su man wayo, sede su ma Odundu la. Momoko de su yobo Mirikisi de muntu ba, sua bowuta kamani mbode ma kankye nsusuwa ko kankye ni nama bikiya ko worede sua ja siki a kisi.