ខគម្ពីរពេញនិយមពី Atnutnu 5

ចែក​រំលែក

Byitusu n atnutnuloyii ajei ɓa dnaɓəgbe, “Ɓəshishi nu ya shi Shekwoyi ɓəda əɓwa a fa zanyikwoci nya!

Fyegyifyegyi, fyi n Dagayipwuwa ashilagyí jesnu ɓai vyi apwuwa n apwuwai, to ɓa fa nyawu ɓo m kpeekpe, ɓai zhni nabagyi manai waazi nge Yeisu nu zhni Masifu.

Nlonu Byitusu wa gna, “Ananiyasi, kwa ze n wunanu Shetam wonyi la nu əho ədu knaaknà wonyi zhni hoi ceakata fyi Zafnu Gyigyiyi, ho nyi la gyiwye ho kpeshì əhohni, n ha kwnu əknyi ncei nyi a? Kwo to ɓə zhni əho nya nu, ha kpe kwo kwnu m? Jesnu shi ho ɓə la kwo kwnu, gyiwye to ɓə shi n ho aba nu m? Knyiyi nu na zhni ho nyi zhninubwo ge ho zhni ɓəye pya a? Ho to ɓwa akatáce fyi zanyikwoci nu m, ama fyi Shekwoyi.” She Ananiyasi ɓə wo ɓəye, wa myiya shi wa fyí. Ədna yaakwo kwa wo aza vnyanya n ɓa ɓə wo əɓo n kwo ɓəə kwu zhni nyi.

Ntucenu, əɓo n kwo shi nsaiye nyi, mi ga fye shaula: Fye kwu aza ye ɓwa fa lonu! Fye kwu ɓa ya ɓa lo! Ngye əɓa tnutnu ɓətukwo kwo ɓə pá ń zanyikwoci nu, kwo ɓə la zè gbəloi. Ama ngye kwo gbmi n Shekwoyi nu, fye taa myi fya shni kwo ɓəkpma m; fye ɓə ɓwa gye fye zhi fyei snukwnú n Shekwoyii nu.”