ខគម្ពីរពេញនិយមពី Balomɛ́ŋ 8

ចែក​រំលែក

Diálinsan áneé buá gidigid búáguanda gá beseé waá obógódionu ginɔ́nɛ́n na Uhaluá, abánya ɔbɔdɔ́ŋínɔ́n uguég guá guɔyɛd uguɔ́ úmɔyɛ́d nsuá.

Ɛɛ́ɛ, yaáminá mɔgɔdɛ áneé ta nigué, ta nusɔ́da, ta bilúna, ta ifuŋ, ta biaŋana, ta muand muá hínen, ta omúólóneé, ta maŋaŋa, ta bugaga buá ndógódódié, ta buá súlúum, ta giaŋana gímodi, ta buand búmodi búdianádidádɔ́n na ginɔ́nɛ́n giá Uhaluá igiɛ́ úmedíye uguá Yésuse Klístus Ɔgúná wasɔ.

Muɛ́d, Gileénde gíédígígenin ɔmbɔ́g uguásɔ guá bugué, gá giagiá didiálinsan gubísógólónye hana búnigimanaá, Gileénde gɔg gimuányɛ mbánan gíóbísógólónye gásɔ gá busió na bínúmúsenye biá kanda guɔyida.

Giagɛ igiɛ́ dínya andá dia guɔyɛd gɔg? Mmába Uhaluá unyɛ naánasɔ, ányá unyaá wa díbɛn?

Dabdab gɔg, ta nusésényi nudibánd gá bandɔ abánya na Yésuse Klístus.

Bugué buá nuɔ́l buá guídan ɔmbɔ́g huá nigué, gɔgaá Gileénde giídan ɔmbɔ́g huá nusɔ́da na bumbénu.

Gɔgaá uguá muand umugányɛ gidigid, diágáyínan muɔ́ hómohómue uguá umɔɔ́díɔ́yá.

Yeégedenye gɔg áneé meyú má ginɛŋ igiɛ, módigódi nugedínyi na nigúmi niá Klístus iníénébídíyenu uguásɔ.

Ányá unyaá wa dídándɔ́n na ginɔ́nɛ́n giá Klístus? Meyú a? Nusésényi a? Nugényigényi a? Nsan a? Nnúh gudɔ́ɔ a? Guyɔ́gɛn a? Nnyémél a?

Guond mɔndɔ uwaánanaá idɛ́m, weényi nugedie nuá Gileénde, búnyɛ uguá guɔyɛd guá Uhaluá Gileénde gíbísógólónyeé gá badányɛdányɛ.

Ɛɛ́ɛ, bandɔ abábínihínanaá áneé Gileénde giá Uhaluá gíéndenye bɔ́, bányɛ baán bá Uhaluá.

Uguá guendenye guá nuɔ́l, guédíendenye gá guɛ́d ɔmbɔ́g huá bugué buá nuɔ́l, gɔgaá uguá guendenye guá Gileénde diáguídan ɔmbɔ́g huá muand muá Gileénde.

Úmuanyɛ úmaádigágá mbanda yeg ya muɔ́n, gɔgaá uwasílɛ́ɛg yɔ́ gásɔ gidigid, naánanyá gɔg udianádihuánɔ́ buá gidigid uguá Muɔ́n waáguɔ́?

Gileénde igigányɛ mbánan gíɔ́guɔyɔn giásɔ gileénde áneé: Dinyɛ baán bá Uhaluá. Dinyɛ baán, begíndigínd súsɔ́n, begíndigínd bá Uhaluá, begíndigínd ɔlɔŋ na Klístus, hana diɔ́bígɔnaá ɔlɔŋ neéneg, dianábia súsɔ́n ndáŋa uguég guá nigúmi.

Gá giagiá, Bandɔ abáganaá ɔdɛ́m huɔ́b uguá melélíe má nuɔ́l bédiébísusenye agá busió buá Uhaluá, bédiégimbe gigodi giá Uhaluá. Bádibá bá gual buɔ́ búmbúm.

Gá giagiá, muand gidigid umuɔ́ Uhaluá úmabɔnd múágígan gidíyé giá baán bá uhan bá Uhaluá gúlgúl.

Ɛɛ́ɛ, diálinsan áneé muand gidigid umuɔ́ Uhaluá úmabɔnd, múmanyɛ gá bínúmúsenye dabdab na gusugɛn guá nubíén.