ខគម្ពីរពេញនិយមពី Sáŋa 6

ចែក​រំលែក

Yésuse uwɔyidɛn bɔ́ áneé: «Búnyɛ yaŋuá nnyaá gunyá guá nusɔ́da, mɔndɔ usáŋkilɛn nsan idiándanúma yɔ́, usáŋádáab, niída nídiánándanúmɛ́d yɔ́.

Búnyɛ Gileénde giá Uhaluá gígíhuáninaá nusɔ́da, mɔndɔ buéŋenyi udibá wa gual ta buand. Dugálɔ uduɔ́ yɔ́núɔyɔ́n dúóguólonin agá Gileénde, dúhuánɛn nusɔ́da.

Nudibídóŋónyé gá guala buóli gá gunyá ugúsulanaá gɔgaá, ánaá núala gá gunyá ugúgíganɔ́, ugúhuáninaá nusɔ́da nuá ságásagá, gunyá uguɔ́ Muɔ́n wa mɔndɔ wánánúhuánɔ́ gá giagiá, úmuanyɛ yɔ́ Síe, unyaá Uhaluá úmaág ndiskan ya ihiligine hiég.»

Ɛɛ́ɛ, ndé guɔyɛd guá Baba uguɔ, mɔndɔ gidigid uwaánanaá Muɔ́n wond waág ɔdɛ́m uguég ubia nusɔ́da nuá ságásagá, yaŋuá yenéhémie yɔ́ uguá gibɛ́l uguá buɔ́sɛ buá nsúgie.»

Yésuse uwondinye bɔ́ áneé: «Buóli ubuɔ́ Uhaluá unúóhóneé áneé núala búnyɛ pɛ́ŋ áneé núádáab uyɔɔ́ úmadɔ́m.»

Mɔndɔ gidigid uyɔɔ́ Síe wamɛ úmpuánaá wánáŋkilɛn, usáŋkilɛn ndionómb yɔ́.

Símune Piéle uwondinye yɔ́ áneé: «Ɔgúná, ányá uyɔɔ́ dínya andá dia guídɛ́n? Aŋuá ogódionu dugálɔ duá nusɔ́da nuá ságásagá.»

Yaŋuá nnyaá gunyá guá nusɔ́da ugúsusaninaá ugumɔn. Mɔndɔ úmanya guɔ́ wɔnɔ́sɔ́dɔn gá ságásagá, gunyá uguɔ́ ŋŋodóŋinyenú, búnyɛ mmegu yamɛ, yoódóŋonye yɛ́ gá gueleé bandɔ bá guísi bábia nusɔ́da.»

Ta mɔndɔ udibá wa guól agámɛ kandabá áneé Síe wamɛ umaándɔ́m umóŋólín neéneg, yaŋuá gɔg uguá buɔ́sɛ buá nsúgie yenéhémie yɔ́ uguá gibɛ́l.

Gá giagiá, gunyá uguɔ́ Uhaluá úhuáninaá gúnyɛ ugúsusaninaá ugumɔn, guéŋén bandɔ nusɔ́da.»

Nnyɛ gunyá guá nusɔ́da.

Yésuse uwɔgɔ́l gɔg gilɛ́d, uweéŋin Uhaluá mbíyigie uwaban bandɔ abámabá hɔ́, uwal buand búmomi na muɔb. Sig mɔndɔ uwanyánan hana úmɔyá. Bámaámándanyánan abábíhálan, Yésuse uwɔyidɛn bebinene bég áneé: «Ánaá núbáda bibéyi ibíméndésíenen gá gueleé ta buand búdiním.»

Bámasɛɛ́d béméménénuénen ŋŋumba yɔb ala bá kílomɛ́tlɛ bátánɔ ugúnya ana bátíndádɔ, bámaámáan Yésuse wanda uguá mimbi ukilanɛn bɔ́, bugádɔ ubúégimbin bɔ́. Gɔgaá, Yésuse uwɔyidɛn bɔ́ áneé: «Búnyɛ yaŋuá núdibia bugádɔ.»