ខគម្ពីរពេញនិយមពី Walumi 8

ចែក​រំលែក

Na cheye chikumanya kuwa mzimbuli zose, Mulungu akusank'hana hamwe na wala wakumbweda na kuwenk'ha yadamane, wala awatangile kuitenda sank'hano yake.

Kwavila nimanya kale kuwa habule chint'hu chikudaha kuchibagula na ubwedo wa Mulungu. Sio kudanganika, wala ugima, wala wasank'hani wa Kuulanga egu nguvu zimwenga za kuulanga wala yala yakulonda kulawila vino haluse, wala yala yakulonda kulawila sihakwe, wala ukulu, wala yala yeli mchanya, wala yala yeli hasi, wala chiumbe chimwenga chochote hachikudaha kuchibagula na ubwendo wa Mulungu uli mgati ya Kilisito Yesu Mndewa wetu.

Ivila, cheye chibule udahi, mbali Muhe wa Mulungu akwiza akuchitaza muukuhungukilwa kwetu. Kwavila hachikumanya kulomba vila akulonda Mulungu, mbali Muhe mwenyewe akuchilombela kwa Mulungu kwa kugutilila kwa usungu ula haukusimulilwa.

Ivo, chilongeki muna ayano? Mulungu akawa ubanzi wetu niyani akudaha kuchilemela?

Ivoelo, haluse kubule kulamuligwa kwa wala wose waiyungile na Kilisito Yesu.

Want'hu wakutalamilwa na magesa ya mtufi, yakuwatenda wadanganike, mbali want'hu wakutalamilwa na Muhe wa Mulungu wakuwa na ugima na nt'hindiwalo.

Mbali muna zimbuli zose cheye chikuhuma uhumi mkulu, kwa kutazigwa na Yesu Kilisito ila achibwedile.

Mahenyeko yetu ya haluse, sikuyawaza gesa ni chint'hu cha kulinganiza na ukulu wa Mulungu ula ukulonda kulagisigwa kumwetu.

Niani akudaha kuchibagula na ubwedo wa Kilisito? Vino, magayo egu ziki, egu mahenyeko egu nzala egu sakaza egu nk'hondo egu kudanganika?

Nae Mulungu akuona mgati mmiyoyo ya want'hu, akumanya vila Muhe akuwaza, kwavila iyo Muhe akuwalombela kwa Mulungu kwa kukola Mulungu ivoakulonda.

Want'hu wose wakutalamilwa na Muhe wa Mulungu ao nio wana wa Mulungu.

Kwavila wala wakukala kwa kukola mtufi ivoukulonda, ao wakugesa mtufi ivo ukulonda, mbali wala wakukala kwa kukola Muhe wa Mulungu ivoukulonda, ao wakugesa Muhe wa Mulungu ivoukulonda.

Ikawa Mulungu hamulemesile Mwanake na akamulava kwaajili yetu cheye chose, vino, naapotigweze kuchink'ha cheye chint'hu chochote icho chikulonda kumulomba?

Muhe wa Mulungu akaiyunga na mihe yetu, akuchitenda chimanye kuwa kweli cheye ni wana wa Mulungu. Ivo, kwavila cheye ni wana wa Mulungu, nachihokele mbuli zidamane za Mulungu awaikile want'hu wake, na nachihokele mbuli izo hamwenga na Kilisito, kweli, chikahenyezigwa hamwenga na Kilisito, vilavila nachipate ukulu hamwenga nae.

Ila akulongozwa na magesa ya mtufi ni mnongwa wa Mulungu, kwavila hakudaha kuyakola malagilizo ya Mulungu, kweli hakudaha kuyatoza.

Kwavila vint'hu vose viumbigwe na Mulungu vikugozela nk'hani kulagisigwa kuwa wana wa Mulungu ni wali.

Kwavila chikumanya hadi haluse, viumbe vose vikuugulila kwa usungu, gesa usungu wa mwanamke kuvumbula mwana.