ខគម្ពីរពេញនិយមពី Yakobo 1

ចែក​រំលែក

Mwe bawesu, amakyushi ya misango ne misango nga yakomishila, mulekubona ati mulishukile sana! Pantu mulishibile ati ulo ikisumino kyenu kikoeshiwa ku makyushi, kilalenga ukushipikisha.

Umo pali mwebo nga takwete mano, alombe kuli Lesa pakwebati amupeele. Lesa naye alapeela ne nsansa onse uukomulomba, akamipeela.

Ishibeni iki mwe bawesu, umuntu onse alilingile ukumfwa kangu, lelo uwakutekanya pakulanda, kabili uutafulwa kangu.

Ukushipikisha kwenu kukaboneka sana mufyo mukobomba, epakwebati mulekuba abakupwililika lonse, abatabulisha nangu kimo.

Mwilekuibepa mukupelela fye pakumfwa amashiwi yakwe, lelo mulekukita nefyo yakomyeba.

Alishukile umuntu uukoshipikisha mu makyushi. Pantu nga akimfya amakyushi, akapokelela ikilambu kya mweo ikyo Lesa alaya aba mutemwa.

Ifya bupe fyonse ifyabune efyo tupokelela ne fyawamisha umupwilapo filafuma kwiulu. Filafuma kuli Lesa Tata uwabumbile ifya mwiulu ifipeela ulubuuto. Muli ena tamwaba mfinshi, kabili taaluka nge kinshingwa.

Umuntu uumfwa fye amashiwi lelo takita ifyo yakomweba, aba kubati muntu uukoilolesha pa menso mu kilolani. Kilya apwa ukuilolesha afumapo, pekapo alaba nefyo aboneka.

Ubwina Lesa ubo Lesa Shikulu abona ati bwalipwililika ku bune, kwafwa bakashiwa na ba mukamfwilwa mufyo bakokabila no kuitalusha ku fyakukowela fya pano kyalo.

Umo nga kotunkwa elekutontonkanya ati ni Lesa eukomutunka. Pantu Lesa tekuti atunkwe ne fyabipa, elo umwine wine tatunka muntu. Lelo muntu atunkwa ulo ulunkumbwa lwakwe lwa musembeleka no ku mwikata.

Wenu umupina alilingile ukumfwa ubune pakyo Lesa amukindamika.